2022-11-06 15:10:30, 1505 ნახვა
მსოფლიო
ტანზანიის სამგზავრო თვითმფრინავი ტბა ვიქტორიაში ჩავარდა
ტანზანიაში სამგზავრო თვითმფრინავმა კატასტროფა განიცადა. BBC-ის ცნობით, თვითმფრინავი, რომლის ბორტზეც 43 მგზავრი იმყოფებოდა, ქვეყნის ჩრდილო-დასავლეთით მდებარე ქალაქ ბუკობასთან, ტბა ვიქტორიაში ჩავარდა.
რეგიონული კომისრის, ალბერტ ჩალამილას განცხადებით, ამ დროისთვის 20-ზე მეტი ადამიანის გადარჩენა მოხერხდა.
”მოვახერხეთ 26 ადამიანის გადარჩენა, რომლებიც გადაიყვანეს ჩვენს რეფერალურ საავადმყოფოში,” - თქვა ჩალამილამ.
ადგილზე მაშველები და ადგილობრივი მეთევზეები იმყოფებიან და სამძებრო სამუშაოებს განაგრძობენ.
ავიაკატასტროფის მიზეზად ქარიშხალი და ძლიერი წვიმა სახელდება.
ავტორი: ექსპრესნიუსი,
epn.ge (@expressnews.ge)
