როდესაც ვსაუბრობთ დეოლიგარქიზაციაზე, ვსაუბრობთ ყველა ოლიგარქზე, - მარკეტა გრეგოროვას განცხადებით, ევროპარლამენტი მიიჩნევს, რომ საქართველოს ყოფილი პრემიერ-მინისტრი ბიძინა ივანიშვილი არის ერთგვარი ოლიგარქი.

როგორც ევროპარლამენტარმა ტელეკომპანია „ფორმულასთან“ ინტერვიუში განაცხადა, თუ „დეოლიგარქიზაციის შესახებ“ კანონი არ იმოქმედებს ივანიშვილზე, მაშინ რეფორმა არ იქნება სათანადო.

"როდესაც ვსაუბრობთ დეოლიგარქიზაციაზე, ვსაუბრობთ ყველა ოლიგარქზე. ევროპარლამენტი მიიჩნევს, რომ ბიძინა ივანიშვილი არის ერთგვარი ოლიგარქი. თუ იქნება რეფორმები, რომლებიც არ იმოქმედებს მასზე, მაშინ რეფორმა არ არის სათანადოდ შესრულებული, საჭიროა, რომ სათანადოდ შეეხოს ყველას. რა თქმა უნდა, ეს არასდროს ყოფილა მხოლოდ ივანიშვილზე, მაგრამ მასზეცაა. ასე, რომ ივანიშვილი არ შეიძლება გამოირიცხოს, ეს პრობლემა იქნება", - ამბობს ევროპალამენტარი. 

შეგახსენებთ, რომ გუშინ, საქართველოს პარლამენტმა „დეოლიგარქიზაციის შესახებ“ კანონი პირველი მოსმენით მიიღო.

კანონპროექტი პლენარულ სხდომაზე პრინციპების დონეზე იურიდიულ საკითხთა კომიტეტის თავმჯდომარე, ანრი ოხანაშვილმა წარადგინა. პროექტს მხარი დაუჭირა 80-მა დეპუტატმა, 9 კი წინააღმდეგ გამოვიდა.

ავტორი: ექსპრესნიუსი,

სოციალური ქსელები

უკრაინაში თავდაცვის მინისტრ ფედოროვის გადადგომის გამო საპროტესტო აქციები მიმდინარეობს

ზელენსკიმ ახსნა, თუ რატომ გადაწყვიტა ფედოროვის შეცვლა: პრობლემები არსებობს და ერთიანობა არ არსებობს

მიხეილ სააკაშვილი: რიყის თეატრი თქვენი მემკვიდრეობაა, რომელსაც ახლა ხალხს ართმევენ

გეგელია: კრემლი ღიად აქებს „ოცნების“ მთავრობას მეასედ