პენტაგონი გეგმავს, რომ უკრაინას 275 მილიონი დოლარის იარაღი და სხვა სამხედრო დახმარება გაუგზავნოს, რათა ზამთრის მოახლოებასთან ერთად, გააძლიეროს რუსეთის წინააღმდეგ ბრძოლა. 

როგორც ამერიკელმა ოფიციალურმა პირებმა ჟურნალისტებს ანონიმურობის პირობით განუცხადეს, გადაწყვეტილება პარასკევს გამოცხადდება. 

მათივე თქმით, აშშ-ის დახმარება ძირითადად მიმართულია არსებული იარაღის სისტემების აღსადგენად, მათ შორის მაღალი მოძრავი საარტილერიო სარაკეტო სისტემების, როგორიცაა HIMARS, რომელსაც უკრაინა წარმატებით იყენებს კონტრშეტევაში.

ცნობისთვის, რუსეთის ფედერაციის უკრაინაში სრულმასშტაბიანი შეჭრის დაწყებიდან, შეერთებული შტატები რეგულარულად უწევს უკრაინას ფინანსურ და სამხედრო დახმარებას.

21 სექტემბერს აშშ-ს პრეზიდენტმა ჯო ბაიდენმა განაცხადა, რომ შეერთებულმა შტატებმა უკვე გამოყო 25 მილიარდ დოლარზე მეტი უკრაინის დასახმარებლად.

1 ოქტომბერს ბაიდენმა ხელი მოაწერა კანონს „2023 წლისთვის უკრაინისთვის გამოყოფისა და დამატებითი თანხების გამოყოფის გაგრძელების შესახებ“, რომელსაც მანამდე მხარი დაუჭირა კონგრესის ორივე პალატამ - წარმომადგენელთა პალატამ და სენატმა. 

ავტორი: ექსპრესნიუსი,

სოციალური ქსელები

გიორგი ჩიკვაიძე მიხეილ სააკაშვილს პასუხობს

ურსულა ფონ დერ ლაიენი - რუსეთი მის მიერ დაწყებულ ომში მარცხდება

ადმინისტრაცია: კობახიძე მაკრონმა პარიზში, კოსმოსის საკითხებზე დაგეგმილ პირველ საერთაშორისო სამიტზე მიიწვია

ბათუმში, ე.წ. ოცნების ქალაქში ხანძარია