2022-10-06 10:16:22, 1349 ნახვა
მსოფლიო
ჩრდილოეთ კორეამ იაპონიის მიმართულებით ორი ბალისტიკური რაკეტა გაუშვა
ჩრდილოეთ კორეამ იაპონიის მიმართულებით ორი ბალისტიკური რაკეტა გაუშვა, - აღნიშნულის შესახებ ინფორმაციას Reuters ავრცელებს.
გამოცემის ცნობით, ფხენიანმა მომხდარს "საპასუხო ზომები" უწოდა აშშ-ისა და სამხრეთ კორეის ერთობლივი სამხედრო წვრთნებზე.
აღსანიშნავია, რომ ბოლო 12 დღეში, ეს იაპონიის მიმართულებით გაშვებული უკვე მეექვსე რაკეტაა.
"ბოლო ორი თვის განმავლობაში აშშ, სამხრეთ კორეა და იაპონია ატარებენ კომბინირებული წვრთნების სერიას. ჩრდ. კორეის ლიდერი, კიმ ჩენ ინი კი ამტკიცებს, რომ მისი მტრები ომისთვის ემზადებიან",- წერს გამოცემა.
შეგახსენებთ, რომ ჩრდილოეთ კორეას გაეროს უშიშროების საბჭოს მხრიდან, აკრძალული აქვს ბირთვული გამოცდების ჩატარება და ბალისტიკური რაკეტების გაშვება.
ავტორი: ექსპრესნიუსი,
epn.ge (@expressnews.ge)
