საქართველოს გენერალური პროკურორი ირაკლი შოთაძე სინგაპურის გენერალურ პროკურორს იუენ კუაი ლუსიენ ვონგს შეხვდა. აღნიშნულ ინფორმაციას გენერალური პროკურატურა ავრცელებს.

შეხვედრას, ევროჯასტში საქართველოს მეკავშირე პროკურორი და პროკურორთა საერთაშორისო ასოციაციის ვიცე-პრეზიდენტი გიორგი გოგაძე, საქართველოს პროკურატურის   საერთაშორისო ურთიერთობებისა და სამართლებრივი უზრუნველყოფის დეპარტამენტის უფროსი ირაკლი ჩილინგარაშვილი, სინგაპურის გენერალური პროკურორის პირველი მოადგილე ჰრი კუმარ ნაირი და სინგაპურის პროკურატურის საერთაშორისო ურთიერთობების სამმართველოს უფროსი ესწრებოდნენ.

უწყების ცნობით, შეხვედრაზე მხარეებმა ორ ქვეყანას შორის სამართლებრივი ურთიერთობები განიხილეს და  სამომავლო თანამშრომლობის გაღრმავების თაობაზე მზაობა გამოთქვეს.

სინგაპურის გენერალურმა პროკურორმა პროკურორთა საერთაშორისო კონფერენციის წარმატებით ორგანიზებისთვის საქართველოს გენერალურ პროკურორს მადლობა გადაუხადა.

სინგაპურის გენერალური პროკურორი იუენ კუაი ლუსიენ ვონგი საქართველოში, პროკურორთა საერთაშორისო ასოციაციის (IAP) 27-ე წლიური კონფერენციის ფარგლებში იმყოფებობდა.

საქართველოს პროკურატურამ პროკურორთა საერთაშორისო ასოციაციის (IAP) 27-ე წლიურ კონფერენციას და გენერალურ შეხვედრას თემაზე - "გლობალური მოვლენები, რომლებმაც შეცვალეს სისხლის სამართლის მართლმსაჯულების სისტემები" უმასპინძლა.

ავტორი: NS (სტატია დაფინანსებულია),

სოციალური ქსელები

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს

5 თვეში, ივანიშვილის რეჟიმმა საგზაო ჯარიმებით რეკორდული ₾130 მილიონი აკრიფა

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის