კანადა 22 წლის მაჰსა ამინის გარდაცვალებაზე პასუხისმგებელ პირებს სანქციებს დაუწესებს. სააგენტო „როიტერის“ ინფორმაციით, აღნიშნულთან დაკავშირებით განცხადება კანადის პრემიერ-მინისტრმა, ჯასტინ ტრუდომ გააკეთა.

პრემიერ-მინისტრის თქმით, სანქციები ირანის „მორალის პოლიციასა“ და მის ხელძღვანელ პირებს შეეხებათ.

„ჩვენ ვნახეთ, რომ ირანი უგულებელყოფს ადამიანის უფლებებს, ახლა ჩვენ ვხედავთ ამას მაჰსა ამინის სიკვდილით და საპროტესტო აქციების ჩახშობით. დღეს მე ვაცხადებ, რომ ჩვენ დავუწესებთ სანქციებს ათობით ფიზიკურ პირსა და კომპანიას, მათ შორის ირანის ე.წ. მორალის პოლიციას“, - განუცხადა ტრუდომ ჟურნალისტებს ოტავაში.

მანამდე, მაჰსა ამინის გარდაცვალებასთან დაკავშირებით სანქციების დაწესების შესახებ, კანადის საგარეო საქმეთა მინისტრმა, მელანი ჯოლიმ გაერო-ს გენერალურ ასამბლეაზე სიტყვით გამოსვლისას ისაუბრა.

შეგახსენებთ, რომ საქმე ეხება 22 წლის მაჰსა ამინს, რომელიც ირანში ჰიჯაბის ტარების კანონების დარღვევისთვის დააპატიმრეს, რის შემდეგაც იგი კომაში ჩავარდა და გარდაიცვალა.

პოლიციის მტკიცებით, ახალგაზრდა ქალი ავად გახდა, როდესაც ის სხვა ქალებთან ერთად ელოდებოდა პოლიციას. ამინის მამის თქმით, მის ქალიშვილს ჯანმრთელობის პრობლემები არ ჰქონდა.

ფაქტმა დემონსტრაციები მრავალ რაიონში, მათ შორის დედაქალაქში გამოიწვია. საპროტესტო გამოსვლები ყველაზე ინტენსიური იყო ქურთისტანის რეგიონში, სადაც ხელისუფლებამ 8-დან 10 მილიონამდე ქურთი უმცირესობის საპროტესტო აქციები ჩაახშო.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს