არესტოვიჩის განცხადებით, უკრაინაში ომის მეოთხე ეტაპი დაიწყო

2022-08-26 15:14:22, 2590 ნახვა

ომი უკრაინაში

უკრაინის პრეზიდენტის აპარატის მრჩევლის, ალექსეი არესტოვიჩის განცხადებით, ომის მეოთხე ეტაპი უკვე დაიწყო

როგორც არესტოვიჩმა დასძინა, ამ ეტაპს წინ უძღოდა სამი ეტაპი:

სრულმასშტაბიანი შემოჭრის დაწყება და უკრაინის ჩრდილოეთიდან რუსული ჯარების განდევნამდე;

ლისიჩანსკის და სევეროდონეცკის ოკუპაცია;

დამპყრობლების წარუმატებელი მცდელობები წინ წასულიყვნენ ნიკოლაევსა და კრივოი როგზე (10 ივლისიდან 10 აგვისტომდე).

ომის მეოთხე ეტაპი კი, არესტოვიჩის თქმით, გაგრძელდება ზამთრამდე - ორიდან სამ თვემდე.

"ამისთვის დამახასიათებელი იქნება ის ფაქტი, რომ მხარეები დადგებიან და ურტყამს ერთმანეთს, ვიდრე შეუძლიათ. მაგრამ ჩვენ გვაქვს ბევრად მეტი შანსი დარტყმის იმ უბრალო მიზეზის გამო, რომ ჩვენ გვაქვს HIMARS და მათ არა," - ამბობს არესტოვიჩი.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,