რუსეთი მზადაა უკრაინას დაუბრუნოს ილენოვკას კოლონიაში დაღუპული უკრაინელი სამხედრო ტყვეების ცხედრები. ამის შესახებ ტელევიზიით უკრაინის ადამიანის უფლებათა კომისარმა დიმიტრი ლუბინეცმა განაცხადა.

მივიღეთ სიგნალი, რომ მზად არიან ჩვენი გმირების ცხედრები დააბრუნონ, მაგრამ ფორმულირება არის „გამოძიების დასრულების შემდეგ“. ჯერ არ მიგვიღია პასუხი, რომ დავაზუსტოთ, რამდენი დრო სჭირდება გამოძიებას, მაგრამ ველოდებით.

ლუბინეცმა ასევე თქვა, რომ 1 აგვისტოს მდგომარეობით, წითელი ჯვრის საერთაშორისო კომიტეტის წარმომადგენლებს არ მიუღიათ წვდომა ილენოვკაში მყოფ სამხედრო ტყვეებთან. ადამიანის უფლებათა კომისარმა ასევე აღნიშნა, წერს ჰრომადსკე, რომ გაერო ჯერ არ უპასუხა უკრაინული მხარის თხოვნას ილენოვკაში მომხდარი ინციდენტის გამოძიებასთან დაკავშირებით.

„ჩვენ გვაქვს კომუნიკაცია ICRC-თან, გვაქვს უარესი მდგომარეობა გაეროსთან. ვუგზავნი წერილებს და კითხვებს. მე ეს გავაკეთე ტრაგედიის შემდეგ მაშინვე პირველ დღეს. მე პირადად არანაირი სიგნალი, თუნდაც არაოფიციალური, არ მიმიღია. ამის საჯაროდ დადასტურება შემიძლია“, - განაცხადა მან.

დაღუპული უკრაინელი სამხედრო ტყვეების ცხედრების გადმოსვენებასთან დაკავშირებით რუსულ მხარეს ჯერ საჯარო განცხადება არ გაუკეთებია.

ავტორი: ექსპრესნიუსი,

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს