უკრაინის დაზვერვის ცნობით, საბრძოლო მოქმედებებისთვის საჭირო ცოცხალი ძალის ნაკლებობის გამო, რუსეთი ახალ სამხედრო შენაერთს ქმნის.

 როგორც უკრაინის თავდაცვის სამინისტროს მთავარი სადაზვერვო სამმართველოს წარმომადგენელმა ვადიმ სკიბიცკიმ  განაცხადა, რუსეთმა ვერ განახორციელა ფარული მობილიზაციისა და მოხალისეთა ბატალიონის შექმნის გეგმა. 

„დადასტურებული მონაცემებით, ივლისის შუა რიცხვებამდე ჩამოყალიბდა 8 ბატალიონი. რუსეთისთვის ეს საკმარისი არ არის. ამ ბატალიონებში ისეთი ადამიანები შეიყვანეს, რომლებიც არცერთ სამხედრო კრიტერიუმს არ აკმაყოფილებენ,  საომარი მოქმედებების განსახორციელებლად, რუსეთმა გადაწყვიტა შეექმნა მესამე ცალკე არმიის კორპუსი, რომელიც ამჟამად ფორმირდება დასავლეთის სამხედრო ოლქში"- გაბაცხადა სკიბცკიმ.

სკიბიცკიიმ ასებე ისაუბრა რუსეთის სამხედრო ეშელონებში არსებული პრობლემების შეახებ.მისი ინფორმაციით, რუსეთის არმიის უმაღლესი სამეთაურო ეშელონების წარმომადგენლები გაათავისუფლეს   თებერვალსა და მარტში უკრაინის ოკუპაციასთან დაკავშირებით დასახული ამოცანის შეუსრულებლობის გამო.

„ინფორმაციის მიხედვით, რომელსაც უკრაინის სამხედრო დაზვერვა იღებს სხვადასხვა წყაროდან, კერძოდ, რადიოშეტყობინებებიდან, ვხედავთ, რომ ოფიცრების დეფიციტი უბრალოდ კატასტროფულია. საუბარში ამბობენ, რომ დანაყოფებში ოფიცრები ან საერთოდ არ არიან და თუ არიან, არავინ იცნობს მათ. და ჩვენ ამ პრობლემას ვხედავთ იმავე მესამე არმიის კორპუსის და სხვა დანაყოფების ფორმირებაში, რომელსაც რუსეთი აყალიბებს. ქვედა რგოლებში ქვედა დონის მეთაურების ხელმისაწვდომობის უზრუნველსაყოფად, ისინი იძულებულნი არიან უმცროსი ლეიტენანტის წოდება მიანიჭონ სერჟანტთა წოდებებს“, - განაცხადა უკრაინის სამხედრო დაზვერვის წარმომადგენელმა.

როგორც Ukrinform იტყობინება, უკრაინის დაზვერვის თანახმად, რუსები უარს ამბობენ რუსეთის ფედერაციის თავდაცვის სამინისტროსთან ხელშეკრულებების გაფორმებაზე.

ავტორი: ექსპრესნიუსი,

სოციალური ქსელები

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს

შსს: ინფორმაცია, რომ ქვეყანაში ერთ დღეში 20 000 რუსეთის მოქალაქე შევიდა, დეზინფორმაციაა

მდინარაძე ღარიბაშვილზე - როდესაც კორუფციას ასე უკომპრომისოდ დავუპირისპირდით, იმისთვისაც მზად ვართ, რომ მსგავსი ბრალდებები იქნება

რუსეთის საბაჟო სამსახური: ზემო ლარსის გავლით მგზავრთა ნაკადმა რეკორდი მოხსნა