2022-07-23 10:01:05, 1609 ნახვა

---

ზელენსკი - ჩვენს მიერ მიღწეული შეთანხმება კიდევ ერთი დემონსტრირებაა იმისა, რომ უკრაინას შეუძლია გაუძლოს ამ ომს

დღეს ჩვენმა სახელმწიფომ და მთელმა ცივილიზებულმა სამყარომ მიაღწიეს მნიშვნელოვან შეთანხმებას - არის შეთანხმება, რომელიც საშუალებას გვაძლევს განვბლოკოთ უკრაინის პორტები. - ამის შესახებ უკრაინის პრეიდენტმა, ვოლოდიმირ ზელენსკიმ განაცხადა.

მისივე თქმით, ეს კიდევ ერთი დემონსტრირებაა, რომ უკრაინას შეუძლია გაუძლოს ამ ომს.

"დღეს ჩვენმა სახელმწიფომ და მთელმა ცივილიზებულმა სამყარომ მიაღწიეს მნიშვნელოვან შეთანხმებას - არის შეთანხმება, რომელიც საშუალებას გვაძლევს განვბლოკოთ უკრაინის პორტები.
გასული წლის მარცვლეულის დაახლოებით 20 მილიონი ტონა მოსავალი ექსპორტზე გავა. წლევანდელი მოსავალიც - და უკვე დაკრეფილია - გაყიდვასაც შეძლებს. ეს არის ფერმერების შემოსავლები, მთელი სოფლის მეურნეობის სექტორი და სახელმწიფო ბიუჯეტი. ეს არის სამუშაო ადგილები.
ჩვენ ახლა დაახლოებით 10 მილიარდი დოლარის მარცვლეული გვაქვს.
არსებობს შანსი, რომ შემცირდეს სასურსათო კრიზისის სიმძიმე, რომელიც რუსეთის მიერ იყო პროვოცირებული. არსებობს გლობალური კატასტროფის თავიდან აცილების შანსი - შიმშილი, რომელმაც შეიძლება გამოიწვიოს პოლიტიკური ქაოსი მსოფლიოს მრავალ ქვეყანაში, განსაკუთრებით იმ ქვეყნებში, რომლებიც გვეხმარებიან. და ეს არის კიდევ ერთი დემონსტრირება იმისა, რომ უკრაინას შეუძლია გაუძლოს ამ ომს". - ნათქვამია განცხადებაში.

შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი