საპარლამენტო უმრავლესობის წევრი ლევან  ბერძენიშვილი დარწმუნებულია, რომ ზურაბ ჟვანიასა და რაულ უსუპოვის საქმის გამოძიებისას საბუთები და მტკიცებულებები გაყალბდა.

თუმცა, მისივე თქმით, საქმის გახსნამდე დაზუსტებით ვერავინ იტყვის, რა როგორ მოხდა.

„საქართველოში არ ვიცნობ არც ერთ მოქალაქეს, რომელსაც ჰგონია, რომ ჟვანიას საქმეში მტკიცებულებები არ გაყალბებულა. მე ვიცი, რომ მტკიცებულებები გაყალბდა. ჩემთვის ასევე კარგადაა ცნობილი, რომ გარემოებები არის შეცვლილი. დანაშაული ჩადენილია, მაგრამ რა ტიპის დანაშაულის და როგორ მოხდა მისი ჩადენა, ამას ვერ გავიგებთ, სანამ საქმე არ გაიხსნება,“ - განაცხადა ლევან ბერძენიშვილმა.

შეგახსენებთ, ზურაბ ჟვანიასა და რაულ უსუპოვის გარდაცვალების საქმესთან დაკავშირებით პროკურატურამ საქმის ყოფილი გამომძიებლები დოკუმენტების ფალსიფიკაციის ბრალდებით დააკავა. თუმცა, სასამართლომ ისინი გუშინვე, გირაოს სანაცვლოდ გაათავისუფლა.  

საქმეზე წინასასამართლო სხდომა 26 მარტს დაინიშნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება