საქართველოს პროკურატურის წარმომადგენლებმა ამერიკის შეერთებული შტატების ჯორჯიის შტატის მოსამართლესთან ბენ სტადარდთან სამუშაო შეხვედრები გამართეს.

აშშ-ის ჯორჯიის შტატის მოსამართლე ნაფიც მსაჯულთა სასამართლოს განსახილველ საქმეებზე ზედამხედველობისა და სახელმწიფო ბრალდების ეფექტიანი მხარდაჭერის უზრუნველყოფის დეპარტამენტის, აჭარის ავტონომიური რესპუბლიკის და დასავლეთ საქართველოს საოლქო პროკურატურების წარმომადგენლებს შეხვდა.

ამერიკის შეერთებული შტატების იუსტიციის დეპარტამენტის სამართლებრივი მრჩევლის მხარდაჭერით გამართულ შეხვედრებზე საუბარი შეეხო ნაფიც მსაჯულთა კანდიდატების სასამართლოში გამოცხადების მაჩვენებლის გაზრდას და ინსტიტუტის გამართულად ფუნქციონირებისთვის ამერიკის შეერთებული შტატების გამოცდილების გაზიარებას.

მხარეებმა ასევე ისაუბრეს ნაფიც მსაჯულთა სასამართლოს მნიშვნელობაზე და მიღწევებზე, ამასთან,  გამოვლენილი ხარვეზების აღმოფხვრის და მსაჯულთა სასამართლოს გაძლიერების მიზნით, შემდგომ თანამშრომლობასა და რეკომენდაციების შემუშავების საჭიროებაზე შეთანხმდნენ.

გარდა ამისა, მოსამართლე ბენ სტადარდმა, მონაწილეობა მიიღო ნაფიც მსაჯულთა სასამართლოს საკითხებზე მართლმსაჯულების საკოორდინაციო საბჭოს ფორმატში გამართულ სამუშაო შეხვედრებში.

ავტორი: NS (სტატია დაფინანსებულია),

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე