"დღეს არსებული ინფორმაცია საშუალებას არ გვაძლევს, ეკონომიკური ზრდის ზუსტი პროგნოზი ვთქვათ", - ამის შესახებ ფინანსთა მინისტრმა ნოდარ ხადურმა ჟურნალისტებს მთავრობის სხდომის დასრულების შემდეგ განუცხადა.

მისივე თქმით, ამ ეტაპზე მთავრობა მუშაობს, რათა ეკონომიკური ზრდის პროგნოზი დაზუსტდეს.

"ამ ეტაპზე მთავრობას პროგნოზთან დაკავშირებით გადაწყვეტილება მიღებული არ აქვს. მაგრამ ჩვენ ვმუშაობთ იმისათვის, რათა დავაზუსტოთ ჩვენი პროგნოზები. ამ ეტაპისთვის ჯერ გადახედილი პროგნოზი არ არის. ჩვენ ვმუშაობთ იმ რეალობის გათვალისწინებით, რომელიც არის ჩვენს მეზობელ სავაჭრო პარტნიორ ქვეყნებში, მაგრამ, დღეს არსებული ინფორმაცია ჩვენ საშუალებას არ გვაძლევს, რომ ვთქვათ ეკონომიკური ზრდის ზუსტი პროგნოზი. ამ ეტაპისთვის საქართველოს ეკონომიკის განვითარებისა და ზრდის   პროგნოზი მიმდინარე წლისთვის არის ისევ 5%", - აღნიშნა ხადურმა. 

რაც შეეხება ეროვნულ ბანკის ჩართულობას ლარის კურსთან დაკავშირებით, მინისტრის განმარტებით,  ის თავად განსაზღვრავს,თუ რა ტიპის გადაწყვეტილებას მიიღებს ბაზარზე.

"ეროვნული ბანკი არის დამოუკიდებელი. ჩვენ გვაქვს კომუნიკაცია, ვცვლით ინფორმაციას. იმის გამო, რომ ბაზარზე გაიზარდა ლარზე მოთხოვნა, მოხდა კურსის დასტაბილურება. ეროვნულმა ბანკმა განაცხადა, ის თავის ქმედებებში დამოუკიდებელია და თავად განსაზღვრავს  რა ტიპის გადაწყვეტიებას მიიღებს ბაზარზე", - განაცხადა ხადურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას