ძმებ დავით და გუგა კაკულიებს აღკვეთის ღონისძიების სახით პატიმრობა შეეფარდათ. აღნიშნული გადაწყვეტილება თბილისის საქალაქო სასამართლოს მოსამართლემ ჯემალ კოპალიანმა გამოაცხადა.

პროკურორის თამარ ყულიჯანიშვილმა განცხადებით, კაკულიებს ბრალად 27 მაისს არაყიშვილის ქუჩაზეჯგუფურად ჩადელილი განზრახ მკვლელობის მცდელობა ედებათ.  ამასთან მისივე თქმით, არსებობს ახალი დანაშაულის ჩადენის საფრთხე, რადგან განზრახ მკვლელობის მცდელობა ადამიანის სიცოცხლის წინააღმდეგაა მიმართული და მომეტებულია ახალი დანაშაულის ჩადენის საფრთხე.

თამარ ულიჯანიშვილის განმარტებით, იარაღის უკანონო შეძენა-შენახვა-ტარება მიმართულია ადამიანების უსაფრთხოების წინააღმდეგ, ხოლო საზღვრის უკანონო კვეთა კი იმაზე მიუთითებს, რომ დაკავებულები კანონებს არ ემორჩილებიან. პროკურორის თქმით, ძმები საბრძოლო მასალასა და ცეცხლსასროლ იარაღს არა მხოლოდ ინახავდნენ, არამედ ატარებდნენ.

თავად დაკავებულებმა, ძმებმა დავით და გურამ კაკულიებმა სასამართლო პროცესზე განაცხადეს, რომ წარდგენილ ბრალდებებს არ ეთანხმებიან და თავს დამნაშავედ არ ცნობენ.

ადვოკატმა დაკავებულების 10 000-10 000-ლარიანი გირაოს სანაცვლოდ გათავისუფლება მოითხოვა.

შეგახსენებთ, რომ პროკურატურა ძმებს ჯგუფურად მკვლელობის მცდელობას, ცეცხლსასროლი იარაღის და საბრძოლო მასალის ჯგუფურად, მართლსაწინააღმდეგო შეძენა, შენახვა, ტარებასა და საზღვრის უკანონო კვეთას ედავება.

აღნიშნული დანაშაული 13-დან 17 წლამდე თავისუფლების აღკვეთას ითვალისწინებს.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს