ომის დასრულების შემდეგ, უკრაინა უნდა აღდგეს მისი საერთაშორისოდ აღიარებული საზღვრების ფარგლებში. - ამის შესახებ ინფორმაციას პოლონეთის პრეზიდენტი, ანდჟეი დუდა ავრცელებს.

მისივე თქმით, უკრაინაში ჩადენილ ომის დანაშაულებზე პასუხისმგებელი პირების წინააღმდეგ სისხლის სამართლის საქმე უნდა აღიძრას და დაისაჯონ.

" ომის დასრულების შემდეგ, უკრაინა უნდა აღდგეს მისი საერთაშორისოდ აღიარებული საზღვრების ფარგლებში, რუსეთმა კომპენსაცია უნდა გადაიხადოს იმისთვის, რაც მათ უკრაინაში გაანადგურეს, ხოლო უკრაინაში ჩადენილ ომის დანაშაულებზე პასუხისმგებელი პირების წინააღმდეგ სისხლის სამართლის საქმე უნდა აღიძრას და დაისაჯონ. ასევე, არცერთი პატიოსანი ლიდერი და არცერთი პატიოსანი სახელმწიფო არ დაიჯერებს იმას, რომ თითქოს არაფერი მომხდარა. არ შეიძლება, ეს შეფასდეს ისე, რომ ჩვეულებრივი ამბავი იყო, რადგან ადამიანები დაიხოცნენ. აგრეთვე, მე არ წარმომიდგენია, რომ არსებობს რუსეთში, რუსულ კომპანიებთან ბიზნესის წარმოების ნორმალური შესაძლებლობა." - ნათქვამია განცხადებაში.

შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.

ავტორი: ექსპრესნიუსი,

სოციალური ქსელები

უკრაინა რუსეთს ზედიზედ მესამე დღეა უტევს რეკორდული რაოდენობის დრონებით

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე