რუსეთის ფედერაციის წინააღმდეგ დაწესებული სანქციები იქამდე არ მოიხსნება, სანამ კრემლი უკრაინასთან სამშვიდობო შეთანხმებას არ მიაღწევს,- ამის შესახებ გერმანიის კანცლერმა ოლაფ შოლცმა Reuters-თან ინტერვიუში განაცხადა.

შოლცის თქმით, ვლადიმერ პუტინმა არასწორად გამოთვალა, როდესაც ფიქრობდა, რომ რუსეთის მიმართ დაწესებული სანქციები ხანმოკლე იქნებოდა. ამასთან, სამშვიდობო შეთანხმების პირობებს რუსეთს ახლა უკრაინა უნდა კარნახობდეს.

„მან ბოლომდე ვერ დაგეგმა უკრაინაში გატარებული „ოპერაცია“. არ ეგონა, რომ უკრაინა ასეთ წინააღმდეგობას გაუწევდა. არ ეგონა, რომ ჩვენ მათ მხარს დავუჭერდით, რომ ამდენ ხანს გაძლებდნენ... ჩვენ არ გავაუქმებთ სანქციები იქამდე, სანამ რუსეთი უკრაინასთან შეთანხმებას არ მიაღწევს“, - განაცხადა შოლცმა.

გარდა ამისა შოლცმა დასძინა, რომ გერმანია არ ცნობს ყირიმს რუსულად და ეს საერთაშორისო სამართლის დარღვევის ფაქტი იყო. 

შეგახსენებთ, მანამდე გერმანიამ უკვე განაცხდა, რომ მზადაა მხარი დაუჭიროს ევროკავშირის ემბარგოს რუსულ ნავთობზე. გერმანიის კანცლერმა ასევე უარი თქვა კიევში ვიზიტზე, რის გამოც ის უკრაინის ელჩმა გერმანიაში ანდრეი მელნიკმა გააკრიტიკა.

ავტორი: ექსპრესნიუსი,

სოციალური ქსელები

ხარკოვის ოლქში რუსეთის სარაკეტო დარტყმას 10 ადამიანი ემსხვერპლა 17 კი დაშავდა

ჩხუბი ბათუმის ბულვარში - დაჭრილია 2 ადამიანი

ნიკა გვარამია - „ნდობის აღდგენა“ სრულიად ფუჭი სიტყვებია და მის უკან არავითარი პოლიტიკური შინაარსი არ დგას

კობახიძის ინფორმაციით, გუშინდელი მდგომარეობით, აფხაზეთში დაახლოებით 680 ტონა საწვავი იყო შეტანილი