2022-04-26 13:56:05, 2048 ნახვა
საზოგადოება
ვოლოდიმირ ზელენსკიმ უკრაინაში მებრძოლი ქართველო ცოლ-ქმარი მეორე ხარისხის ორდენით დააჯილდოვა
უკრაინის პრეზიდენტმა, ვოლოდიმირ ზელენსკიმ რუსული აგრესიის წინააღმდეგ მებრძოლი ჯარისკაცები დააჯილდოვა, რომელთა შორის ქართველი ცოლ-ქმარიც არიან.
როგორც უკრაინის გენერალური შტაბის განცხადებაშია აღნიშნული, გელა ბეგლარაშვილი და რუსუდან ივანეიშვილი, სხვებთან ერთად, „სიმამაცისთვის“ მეორე ხარისხის ორდენით დააჯილდოვეს.
პრეზიდენტის 25 აპრილის ბრძანების მიხედვით, ისინი დაჯილდოვდნენ უკრაინის სახელმწიფო სუვერენიტეტისა და ტერიტორიული მთლიანობის დასაცავად გამოჩენილი პირადი გამბედაობისა და უანგარო ქმედებებისთვის, ასევე, სამხედრო ფიცის ერთგულებისთვის.
ეს არ არის პირველი შემთხვევა, როდესაც ვოლოდიმირ ზელენსკი ქართველ მებრძოლებს სხვადასხვა ორდენით აჯილდოებს.
ავტორი: ექსპრესნიუსი,
epn.ge (@expressnews.ge)
