რუსეთი წელს ენერგორესურსების ექსპორტიდან დაახლოებით 321 მილიარდ დოლარს გამოიმუშავებს, რაც მესამედზე მეტია 2021 წელთან შედარებით.

ამის შესახებ Bloomberg საერთაშორისო საფინანსო ინსტიტუტის (IIF) მონაცემებზე დაყრდნობით წერს. IIF-ის მონაცემებით, რუსეთი ასევე მიდის საგადასახდელო ბალანსის რეკორდული ჭარბი რაოდენობით, რომელმაც შეიძლება 240 მილიარდ დოლარს მიაღწიოს.

"რუსეთის მიმდინარე ანგარიშის პროფიციტის ერთადერთი ყველაზე დიდი ფაქტორი კვლავაც მყარად გამოიყურება. სანქციების დაწესებით, რუსეთში მყარი ვალუტის მნიშვნელოვანი შემოდინება, როგორც ჩანს, გაგრძელდება", - აცხადებენ IIF ეკონომისტები რობინ ბრუკსის ხელმძღვანელობით.

თუმცა, გათვლები შეიძლება მთლიანად შეიცვალოს ენერგორესურსების გაყიდვაზე ემბარგოს დაწესების შემთხვევაში. მაგრამ ამის გარეშეც, რუსული ექსპორტი და ნავთობის მოპოვება უკვე იკლებს, ენერგეტიკის საერთაშორისო სააგენტოს პროგნოზით, მან შეიძლება დაკარგოს ნავთობის მოპოვების თითქმის მეოთხედი ამ თვეში.

ბევრი მყიდველი, ვინც ადრე იყიდა ენერგორესურსები რუსეთიდან, უკვე ეძებს ალტერნატივას და ურჩევნია არ გააფორმოს ახალი მიწოდების კონტრაქტები აგრესორ ქვეყანასთან. იმავდროულად, რუსეთი მზადაა ინდოეთს მის ნავთობზე დიდი ფასდაკლება მისცეს. კერძოდ, რუსეთის ფედერაცია ურალის ნავთობს ბარელზე 35 დოლარამდე ფასდაკლებით სთავაზობს.

ავტორი: ექსპრესნიუსი,

სოციალური ქსელები

ფოდოროვი - უკრაინა მიიღებს შორ მანძილზე მოქმედ არტილერიას, ფრთოსან რაკეტებს და დრონების მხარდაჭერას

ევროკავშირის ლიდერები შეთანხმდნენ, რომ რუსეთის წინააღმდეგ სანქციები ორჯერ გაახანგრძლივონ

ბულგარეთის პრორუსულმა პრემიერ-მინისტრმა პირობა დადო, რომ ვეტოს დაადებს ევროკავშირის ახალ სანქციების პაკეტს რუსეთის წინააღმდეგ.

აშშ-ის საზღვაო ძალებმა ირანის საზღვაო ბლოკადა დაასრულეს