ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროში, ჩეხეთის რესპუბლიკის კარიტასის წარმომადგენლებმა, პროექტის „პირველადი ჯანდაცვის გაძლიერების ხელშეწყობა საქართველოში“ (II ფაზა) შუალედური ანგარიში წარადგინეს.

პრეზენტაციას ესწრებოდნენ: მინისტრის პირველი მოადგილე თამარ გაბუნია, ჩეხეთის საელჩოს განვითარების სფეროში თანამშრომლობის განყოფილების ხელმძღვანელი იანა ზელინგეროვა, ჩეხეთის რესპუბლიკის კარიტასის მისიის ხელმძღვანელი საქართველოში, იან ბლინკა და ამავე ორგანიზაციის პროექტის მენეჯერი რუსუდან ჩხუბიანიშვილი.

თამარ გაბუნიამ, სტუმრებს, მადლობა გადაუხადა საქართველოში პირველადი ჯანდაცვის გაძლიერებისა და მხარდაჭერისთვის, პროექტის ფარგლებში უკვე დანერგილი და სამომავლოდ დაგეგმილი ცვლილებებისათვის. ასევე, COVID პანდემიის მართვაში გაწეული დახმარებისთვის.

პროექტის მე-2 ფაზის შუალედური ანგარიშის პრეზენტაციაზე, ჩეხეთის რესპუბლიკის კარიტასის მისიის წარმომადგენლებმა, უკვე შექმნილ მოდულებზე ისაუბრეს - განიხილეს მართვის სტანდარტიზებული ელექტრონული საინფორმაციო და სამედიცინო ჩანაწერების საყოველთაო ელექტრონული სისტემები, ელექტრონული რიგები; ტელემედიცინა; ელექტრონული რეფერალის პლატფორმა.

როგორც პრეზენტაციაზე აღინიშნა, პირველადი ჯანდაცვის მხარდაჭერის საპილოტე პროგრამები უკვე მოქმედებს თბილისის პირველადი ჯანდაცვის 5 დაწესებულებაში. ასევე მცხეთა-მთიანეთისა და სამეგრელო-ზემო სვანეთის 44 სოფლის აბმულატორიაში.

პროექტი „პირველადი ჯანდაცვის გაძლიერების ხელშეწყობა საქართველოში“ 2019 წელს დაიწყო და 2023 წელს დასრულდება. მისი საერთო ღირებულებაა €1 266 257.

ავტორი: NS (სტატია დაფინანსებულია),

სოციალური ქსელები

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს

ჰორმუზის სრუტესთან დაკავშირებული მოლაპარაკებების ჩაშლის შემდეგ, აშშ-მ და ირანმა ორმხრივი დაბომბვები განაახლეს