პენტაგონმა განაცხადა, რომ ბოლო 7-10 დღის განმავლობაში, აშშ-ს თავდაცვის მდივანმა, ლოიდ ოსტინმა და გენერალური შტაბის უფროსმა, მარკ მილიმ არაერთხელ სცადეს, რუსეთის თავდაცვის მინისტრ, სერგეი შოიგუსა და გენერალ, ვალერი გერასიმოვს დაკავშირებოდნენ, თუმცა უშედეგოდ.

გავრცელებული ინფორმაციით, რუსეთის სამხედრო ხელმძღვანელობა ამერიკელ კოლეგებთან კონტაქტს სავარაუდოდ, შეგნებულად არ ამყარებს.

„იყო კონტაქტები, მაგრამ დაბალ დონეზე. კომუნიკაციის ცხელი ხაზი, რომელიც სპეციალურად შეიქმნა საჰაერო სივრცეში შესაძლო კონფლიქტების მოსაგვარებლად, ჯერ არ არის გამოყენებული დანიშნულებისამებრ“, - განაცხადა მოსკოვში აშშ-ის საელჩოს სამხედრო ატაშემ.

ფაქტი, რომ შოიგუსა და გერასიმოვის არ სურთ დაუკავშირდნენ ამერიკელ კოლეგებს, შესაძლოა იმაზე მიუთითებდეს, რომ უკრაინაში „სპეციალური ოპერაციის“ წარუმატებლობის გამო, მათ უფლება-მოსილება შეჩერებული აქვთ და აღარაფერს წყვეტენ. ან, მეორე მხრივ, ეს ფაქტი შესაძლოა ნიშნავდეს რუსეთის სურვილს, აწიოს ფსონები უმაღლეს დონეზე, რათა კომუნიკაციის ნაკლებობამ გამოიწვიოს პირდაპირი სამხედრო შეტაკება რუსეთის ფედერაციასა და შეერთებულ შტატებს შორის.

ამის შესახებ განცხადებას The Washington Post იუწყება.

ავტორი: ექსპრესნიუსი,

სოციალური ქსელები

შიო III პრორუსული პარტიის ლიდერს ზურა მახარაძეს შეხვდა

თბილისში ყაჩაღობა მოხდა

უგულშემატკივრე ქართველ კალათბურთელებს მსოფლიო ჩემპიონატის შესარჩევ ეტაპზე | საქართველოს ბანკი - ეროვნული საკალათბურთო ნაკრების გენერალური სპონსორი

ევროპარლამენტი: მკაფიო გზავნილი საქართველოს და თურქეთს - რეფორმების გარეშე წინ ვერ წახვალთ