„საუკეთესო მხარდაჭერა ჩემთვის და სხვა პოლიტიკური პატიმრებისთვის არ არის კეთილი სიტყვები, არამედ ქმედება. ნებისმიერი აქტივობა მატყუარა და ქურდი პუტინის რეჟიმის წინააღმდეგ“, - ამის შესახებ რუსი ოპოზიციონერი პოლიტიკოსი, ალექსეი ნავალნი წერს.

აღნიშნული განცხადება პოლიტიკოსმა „ინსტაგრამ“-ზე მას შემდეგ გამოაქვეყნა, რაც რუსეთის სასამართლომ მას მკაცრი რეჟიმის კოლონიაში, ცხრაწლიანი პატიმრობა მიუსაჯა.

„ჩემი კოსმოსში გაფრენა ცოტა ხნით იწელება - ხომალდი დროით მარყუჟში მოხვდა

გახსოვთ, მთავარი გმირები შედიან სადგურზე და ფრინდებიან იმ პლანეტიდან, სადაც დრო რამდენჯერმე სწრაფად გადის. და მათ ხვდებათ ვიღაც ტიპი წვერით და ხალათში, რომლებიც მათ ეუბნებიან: მე თქვენ 23 წელი, 4 თვე და 8 დღე გელოდეთ.

მართალია ამაზე ფიქრი სწრაფად განვაგდე. უპირველს ყოვლისა, მე არც წვერი მაქვს, არც ხალათი. და მეორეც, ყველაფერი სისულელეა. ციფრებს მნიშვნელობა არ აქვთ. ეს უბრალოდ დაფაა ციხის საწოლის თავზე, სულ ესაა. და უბრალოდ „ლოდინს“ არც მე და არც ჩემი მეგობრები არ ვაპირებთ.

როგორც ჩემს „ბოლო სიტყვაში“ ვთქვი, ჩვენ არა მხოლოდ ვაგრძელებთ ანტიკორუფციული ფონდის მუშაობას, არამედ ახალ დონეზე ავიყვანთ. ფონდი გახდება გლობალური საერთაშორისო ორგანიზაცია. და ჩვენ ნამდვილად გვჭირდებით მასში.

სახაროვის ფულადი ჯილდოს ნაწილი, რაც ევროპარლამენტმა გადმომცა, იქნება პირველი შენატანი ამ ფონდში. ევროკავშირის მოქალაქეებზე, რომლებსაც მათივე წარმომადგენლები ახმოვანებენ, გადმომცეს ეს ჯილდო, რათა ვებრძოლო კორუფციას. მე მადლობელი ვარ და უკან ვუბრუნებ მათ ამ თანხას, რათა გაგრძელდეს ბრძოლა.

სხვათაშორის, გთხოვთ შეამჩნიოთ, რომ ჩემი „ბოლო სიტყვის“ დროს მაუწყებლობა შეფერხდა.

ცხადია, სიტყვებს აქვს ძალა. ყოვეთვის ვამბობდი, რომ პუტინს ეშინია სიმართლის. ცენზურის წინააღმდეგ ბრძოლა, რუს ხალხამდე სიმართლის მიტანა რჩება ჩვენს პრიორიტეტად. ნებისმიერი საპასუხო ქმედება ომის დამნაშავეების წინააღმდეგ.

2013 წელს, ჩემი პირველი განაჩენის მოსმენის შემდეგ დავწერე და ახლაც გავიმეორებ:

კრემლი ანადგურებს მედიას და ჩვენ ვქმნით ახალს. 5 მარტს, მე დავაანონსე პროექტი - Популярную политику, რომლის გვერდსაც უკვე თითქმის მილიონი გამომწერი ჰყავს. შემოგვიერთდით - ერთად ჩვენ შევქმნით საუკეთესო მედიას რუსეთში.

მადლიერი ვარ მხარდაჭერისთვის და ხალხო, მინდა რომ ეს ვთქვა: საუკეთესო მხარდაჭერა ჩემთვის და სხვა პოლიტიკური პატიმრებისთვის არ არის კეთილი სიტყვები, არამედ ქმედება. ნებისმიერი აქტივობა მატყუარა და ქურდი პუტინის რეჟიმის წინააღმდეგ.

2013 წელს, ჩემი პირველი განაჩენის მოსმენის შემდეგ დავწერე და ახლაც გავიმეორებ: არ იუსაქმუროთ. გომბეშო, რომელიც ნავთობის მილზე ზის, თავის თავს არ გადაიგდებს.

ყველას გეხუტებით და მიყვარხართ!“, - აღნიშნულია ალექსეი ნავალნის განცხადებაში.

ავტორი: ექსპრესნიუსი,

სოციალური ქსელები

ოცნების საგარეო: რუსეთსა და ოკუპირებულ ცხინვალს შორის შეთანხმებაზე შეშფოთება გამოვთქვით

TI: „ქართული ოცნების“ დონორებთან დაკავშირებულმა კომპანიებმა 17.7 მილიონი ლარის ღირებულების სამთავრობო კონტრაქტები მიიღეს.

დაპორტირდი სელფიში და მიიღე ყველაფერი ულიმიტო 3 თვე სრულიად უფასოდ

ბაზისბანკის მხარდაჭერით საქართველოს ეკონომიკის ასოციაციის II საერთაშორისო კონფერენცია გაიმართა