შინაგან საქმეთა სამინისტროში 2021 წელს, ბოლო წლების განმავლობაში პირველად,   ყველაზე მასშტაბური გადაიარაღება განხორციელდა. - ამის შესახებ შინაგან საქმეთა მინისტრმა, ვახტანგ გომელაურმა პარლამენტში, „მინისტრის საათის“ ფორმატში  ანგარიშის წარდგენისას აღნიშნა.

„2021 წელს, ბოლო წლების განმავლობაში პირველად,  განხორციელდა ყველაზე მასშტაბური გადაიარაღება. თანამედროვე სტანდარტების „გლოკის“ ტიპის სამსახურებრივ-საშტატო იარაღით აღიჭურვა  განსაკუთრებულ დავალებათა, საპატრულო პოლიციის და თბილისის პოლიციის დეპარტამენტების თანამშრომლების ნაწილი.  გადაიარაღების პროცესი  წელსაც გაგრძელდება.

2021 წელს გურჯაანის პოლიციის ახალი ადმინისტრაციული შენობა აშენდა. ახალი შენობა 100-ზე მეტ თანამშრომელზეა გათვლილი. პოლიციის ახალ შენობაში, გურჯაანის პოლიციის სამმართველოს გარდა, ერთ სივრცეში განთავსდა საექსპერტო-კრიმინალისტიკური სამსახური, დაცვის პოლიცია, დროებითი მოთავსების იზოლატორი და კინოლოგიის სამსახური.

გასულს წელს თუშეთში, სოფელ ომალოში პოლიციის ახალი შენობა აშენდა. შენობა სრულად შეესაბამება მაღალმთიანი რეგიონის პირობებს და აღჭურვილია თანამედროვე სტანდარტების შესაბამისად. ამჟამად ახალ შენობაში პოლიციის და საგანგებო სიტუაციების მართვის სამსახურის თანამშრომლები მუშაობენ. მასშტაბურად განახლდა ავტოპარკი - ხაზგასმით უნდა აღინიშნოს, რომ ავტოპარკის განახლება ემსახურება ეფექტიანი პოლიციური საქმიანობის და ოპერატიული რეაგირების, ასევე, ჩვენი თანამშრომლების სიცოცხლის უსაფრთხოების მიზნებს“, - განაცხადა შინაგან საქმეთა მინისტრმა.

ავტორი: NS (სტატია დაფინანსებულია),

სოციალური ქსელები

საფრანგეთში პოლიციის ჩხრეკის დროს პიკასოს მოპარული ნახატი აღმოაჩინეს

ანკარამ ნატოს სამიტის გამო საპროტესტო აქციებსა და დრონების ფრენებზე 13-დღიანი აკრძალვა დააწესა

თბილისის მეტროს პირველ ხაზზე მატარებლების მოძრაობა სრულად განახლდა

სააკაშვილი - თემაში ჩვენი არა კეთილისმოსურნეებიც შემოვარდნენ და დაწერეს მიშა და ბიძინა ერთია, რასაც იტყვიან პარტია ემორჩილებაო