2022-03-15 18:32:42, 633 ნახვა
მსოფლიო
ბრიტანეთმა რუსეთში კიდევ 350 კომპანიასა და ფიზიკურ პირს, მათ შორის, დიმიტრი მედვედევს, სანქციები დაუწესა
დიდმა ბრიტანეთმა რუსეთში კიდევ 350 ფიზიკურ პირსა და კომპანიას სანქციები დაუწესა, - აღნიშნულ ინფორმაციას Sky news-ი ავრცელებს.
სანქცირებულ პირთა შორის, ვისაც აქტივები გაეყინებათ და მოგზაურობა აეკრძალებათ, არიან: რუსეთის უშიშროების საბჭოს თავმჯდომარის მოადგილე, დიმიტრი მედვედევი, ასევე რუსეთის თავდაცვის მინისტრი, სერგეი შოიგუ.
ამასთანავე, სანქციები დაუწესეს რუსეთის საგარეო საქმეთა სამინისტროს პრესსპიკერს, მარია ზახაროვას, კრემლის პრესსპიკერს, დიმიტრი პესკოვს.
სანქციები შეეხო რუსული პროპაგანდისტული მედიის წარმომადგენელს, მარგარიტა სიმონიანს, რომელიც რუსული სამთავრობო მედიის აღმასრულებელი რედაქტორია.
ავტორი: ექსპრესნიუსი,
epn.ge (@expressnews.ge)
