აშშ-ს პრეზიდენტმა ჯო ბაიდენმა განაცხადა, რომ G7 უკრაინაში შეჭრის გაგრძელების ფონზე რუს ოლიგარქებსა და მათ ოჯახებს სანქციებს დაუმატებს.

„დიდი შვიდეული ასევე აძლიერებს ზეწოლას კორუმპირებულ რუს მილიარდერებზე. ჩვენ ვამატებთ ახალ სახელებს ოლიგარქებისა და მათი ოჯახების სიას, რომლებსაც ჩვენ ვუმიზნებთ და ვაძლიერებთ კოორდინაციას G7 ქვეყნებს შორის, რათა მიზანმიმართული იყოს და დაიჭიროს მათი არაკეთილსინდისიერი მონაპოვარი რესურსებო“, - განაცხადა ბაიდენმა თეთრ სახლში.

"ისინი მხარს უჭერენ პუტინს. ისინი პარავენ რუს ხალხს და ცდილობენ, თავიანთი ფულის დამალვას ჩვენს ქვეყნებში. ისინი იმ კლეპტოკრატიის ნაწილი არიან, რომელიც არსებობს მოსკოვში და მათ უნდა გაიზიარონ ამ სანქციების ტკივილი", - თქვა ჯო ბაიდენმა.

მან ასევე აღნიშნა, რომ აშშ-ში, რუსული ზღვის პროდუქტების, არაყისა და ბრილიანტების იმპორტი აიკრძალება.

„მიუხედავად იმისა, რომ ჩვენ მივყვებით მათ სუპერ იახტებს და მათ დასასვენებელ სახლებს, რომელთა ღირებულება ასობით მილიონი დოლარია, ჩვენ მათთვის ჩვენსავე ქვეყანაში წარმოებული მაღალი კლასის პროდუქციის შეძენას გავურთულებთ და ავკრძალავთ რუსეთში, ფუფუნების საქონლის ექსპოეტს. ცნობისთვის, აღნიშნული სანქციები არ არის ჩვენი ბოლო ნაბიჯები“, - დასძინა აშშ-ის პრეზიდენტმა.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს