2022-02-28 19:02:18, 631 ნახვა
მსოფლიო
შვეიცარია რუსეთის წინააღმდეგ ევროკავშირის სანქციებს დააწესებს
შვეიცარია რუსეთის წინააღმდეგ ევროკავშირის ყველა სანქციას მიიღებს.
ხუთ ოლიგარქს უკვე აეკრძალა შვეიცარიაში შესვლა. ამასთანავე, ევროკავშირის სიაში მყოფი 336-ვე ადამიანის საბანკო ანგარიშები, მათ შორის ვლადიმირ პუტინისა და სერგეი ლავროვის, დაუყოვნებლივ გაიყინება. ამბავს BBC იუწყება.
გამოცემის ინფორმაციით, შვეიცარიული ბანკები მილიარდობით დოლარის რუსულ ფონდებს ფლობენ.
დღეს შვეიცარიის პრეზიდენტმა, იგნაციო კასისმა განაცხადა, რომ უკრაინაში შეჭრა იყო თავისუფლებასა და დემოკრატიაზე თავდასხმა.
ცნობისთვის, ქვეყნის საჰაერო სივრცე რუსული თვითმფრინავებისთვის, უკვე დაკეტილია. შვეიცარიის ავიახაზებმა კი, ფრენები რუსეთის მიმართულებით გააუქმეს.
ავტორი: ექსპრესნიუსი,
epn.ge (@expressnews.ge)
