პოპის დედოფალად წოდებულმა მადონამ (ლუიზა ჩიკონე) უკრაინას მხარდაჭერა გამოუცხადა.  -რუსეთის უაზრო, გაუმაძღარი შეჭრა უკრაინაში უნდა შეწყდეს" - განაცხადა მადონამ თავის ისტაგრამზე. წერილს პოპ დივარ ვიდეოც დაურთო.

"გთხოვთ, გამოაგზავნოთ ჰუმანიტარული დახმარება უკრაინის მილიონობით მოქალაქის გადასარჩენად, რომელთა ჯანმრთელობა და სიცოცხლეც დაზარალდა ამ კრიზისის შედეგად.
პუტინმა დაარღვია ადამიანის უფლებების შესახებ არსებული ყველა შეთანხმება. პუტინს არ აქვს უფლება, სცადოს უკრაინის არსებობის წაშლა. ჩვენ მხარს გიჭერთ პრეზიდენტო ზელენსკი!! ჩვენ ვლოცულობთ თქვენთვის და თქვენი ქვეყნისთვის!  ღმერთმა დაგლოცოთ ყველა!
ნუ ვიგრძნობთ თავს უმწეოდ ამ მასშტაბის გეოპოლიტიკური მოქმედების წინაშე“. - წერს მადონა ინსტაგრამზე.

მსოფლიოში გაყიდულია მადონას 300 მილიონზე მეტი ალბომი. იგი გინესის მსოფლიო რეკორდების მიერ აღიარებულია, როგორც ყველა დროის ყველაზე გაყიდვადი შემსრულებელი ქალი. RIAA-ს სიაში მადონას იკავებს მეორე ადგილს ყველაზე სერტიფიცირებულ ქალ შემსრულებლებს შორის, 64.5 მილიონი გაყიდული დისკით. ჟურნალ „ბილბორდის“ თანახმად, მადონა ცხელი ასეულის სინგლების ჩარტში ყველაზე წარმატებული სოლო შემსრულებელია, საერთო ჯამში კი – The Beatles-ის შემდეგ რიგით მეორე. იგი აგრეთვე რეკორდსმენია ყველაზე შემოსავლიანი სოლო-ტურნეების მხრივ – 1990 წლიდან გაყიდული ბილეთებიდან შემოსულმა თანხამ 1.31 მილიარდი აშშ დოლარი შეადგინა. მადონა, რომელიც როკ-ენ-როლის დიდების დარბაზის წევრიც არის, VH1-ის მუსიკაში 100 უდიდესი შემსრულებელი ქალების სის სათავეშია. Rolling Stone-მა იგი დაასახელა ყველა დროის 100 უდიდესი შემსრულებლის და სიმღერების 100 უდიდესი ავტორის სიაში.

ავტორი: ექსპრესნიუსი,

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება