2022-02-13 16:33:37, 1029 ნახვა
მსოფლიო
მედია - უნგრეთის პრემიერმა მიანიშნა, რომ შესაძლოა, ქვეყანამ ევროკავშირი დატოვოს
უნგრეთის პრემიეერ-მინისტრმა, ვიქტორ ორბანმა ევროკავშირისგან უნგრეთის მიმართ ტოლერანტობა მოითხოვა და პირველად მიანიშნა, რომ სხვა შემთხვევაში, „საერთო გზით სიარული“ შეუძლებელი გახდებოდა.
მისი განცხადებით, მიუხედავად კულტურული გაუცხოების ზრდისა, უნგრეთს ევროკავშირთან ერთიანობა სურს.
ვიქტორ ორბანმა აღნიშნა, რომ ამასთან დაკავშირებით, ბუდაპეშტს ტოლერანტულობის შეთავაზება როგორც ბრიუსელის, ისე ბერლინისადმი არაერთხელ გაუკეთებია.
„სხვა გადაწყვეტილება არ არსებობს, მხოლოდ არის ტოლერანტობა. ეს არის ერთადერთი საშუალება, რითიც საერთო გზის პოვნას შევძლებთ“, - განაცხადა უნგრეთის პრემიერმა.
ამბის შესახებ ინფორმაციას The Gazette იუწყება.
ავტორი: ექსპრესნიუსი,
epn.ge (@expressnews.ge)
