სამხრეთ აფრიკის რესპუბლიკაში, კვირის განმავლობაში ჭარბი სიკვდილიანობა თითქმის გაორმაგდა.  22-დან 28 ნოემბრამდე უფრო მეტი ადამიანი გარდაიცვალა ვიდრე ანალოგიურ კვირებში. ამის შესახებ Bloomberg სამხრეთ აფრიკის სამედიცინო კვლევის საბჭოს ანგარიშზე დაყრდნობით იუწყება. ეს მოხდა კორონავირუსის ახალი შტამის გავრცელების ფონზე.
ერთი კვირის განმავლობაში, სამხრეთ აფრიკაში მოსალოდნელზე მეტი, 2076 ადამიანი დაიღუპა. ერთი კვირით ადრე ეს მაჩვენებელი 1091 იყო.
ბლუმბერგი აღნიშნავს, რომ სიკვდილიანობის მატება ეწინააღმდეგება ჰოსპიტალიზაციის მონაცემებს - მათ აჩვენეს, რომ პაციენტები ძირითადად ატარებდნენ კორონავირუსს მსუბუქი ფორმით.
სააგენტო ასევე წერს, რომ ოფიციალურად 22-დან 28 ნოემბრის ჩათვლით კვირაში, სამხრეთ აფრიკის ხელისუფლებამ კორონავირუსს მხოლოდ 174 სიკვდილი დაუკავშირა. ამავდროულად, ჭარბ სიკვდილიანობას უწოდებენ კოვიდ-ის გავლენის უფრო ზუსტ ინდიკატორს მოსახლეობაზე.
ოფიციალური მონაცემებით, სამხრეთ აფრიკაში კორონავირუსით დაღუპულთა რიცხვი 90 ათას ადამიანს აღემატება, პანდემიის დაწყებიდან ჭარბი დაღუპულთა რიცხვმა 275 ათასს გადააჭარბა.
კორონავირუსის ახალი შტამი პირველად ნოემბრის ბოლოს გამოვლინდა სამხრეთ აფრიკაში, ბოტსვანასა და ჰონგ კონგში. მალე ჯანდაცვის მსოფლიო ორგანიზაციამ კოვიდ-ის ახალი ვერსია „შეშფოთების გამომწვევად“ აღიარა და მას „ომიკრონი“ უწოდა.

ავტორი: ექსპრესნიუსი,

სოციალური ქსელები

თუ იქნება მოთხოვნა, კიდევ შევიტანთ, თუ ჯვარზე გაგვაკრეს, აღარ მინდა – სოლიდუსის მფლობელი

მიქაუტაძეს ქრთამის სახით აღებული თანხა ლილუაშვილთან კაბინეტში მიჰქონდა - პროკურორი

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა