კომპანია „ბილაინი“ და „ახალგაზრდა ფინანსისტთა და ბიზნესმენთა ასოციაცია - აფბა“ პროექტს სახელწოდებით, - „განავითარე ბიზნესი“ იწყებს.

პროექტი ქვეყანაში მცირე მეწარმეობის განვითარებას ეხება.

როგორც კომპანიაში აცხადებენ, პროექტის მიზანი ეკონომიკის მეტად მნიშვნელოვანი სეგმენტის წახალისებაა.

„პროექტის სამიზნე აუდიტორია თვითდასაქმებულთა სეგმენტია, რომელიც ქვეყანაში დასაქმებულთა საერთო რაოდენობის 60%-ზე მეტია, შესაბამისად, თვითდასაქმებულთა კვლევა, ასევე, თვითდასაქმებულთა საქმიანობის პოპულარიზაცია, ქვეყნის სოციალურ-ეკონომიკური სიტუაციის გაჯანსაღებისკენ გადადგმული კიდევ ერთი ნაბიჯი იქნება“, - აცხადებენ კომპანია „ბილაინის“ წარმომადგენლები.

პროექტი 6 თვიანია და თვითდასაქმებულების პრობლემების იდენტიფიცირებას და მათი გადაჭრის გზების ძიებას ითვალისწინებს.

პროექტის პრეზენტაცია სასტუმრო „რადისონ ბლუ ივერიაში“ გაიმართა.

პრეზენტაციას კომპანია „ბილაინის“ წარმომადგენლები, ასევე, ეკონომიკისა და მდგრადი განვითარების სამინისტროს, ფინანსთა სამინისტროს, თბილისის მერიის, ეკონომიკის ექსპერტები, რომლებიც თვითდასაქმების და მეწარმეობის საკითხებზე მუშაობენ ესწრებოდნენ.

„რამდენიმე დღის წინ, საქართველოში ახალი ტექნოლოგიური რევოლუცია დაიწყო. კომპანია „ბილაინმა“ მომხმარებლებს მეოთხე თაობის ინტერნეტ ტექნოლოგია შესთავაზა, ყველაზე ფართო დაფარვის ზონით. ეს ყველაზე მასშტაბური სოციალური ინვესტიციაა, რაც საქართველოში განხორციელებულა და რომლის ღირებულება რამდენიმე ასეულ მილიონ ლარს შეადგენს. ვთვლით, რომ ეს ისტორიული მომენტი განსაკუთრებით ეხმიანება ჩვენი ახალი სოციალური პასუხისმგებლობის მიმართულებას, - ბიზნესის განვითარებას. ვთვლით, რომ ახალი  ტექნოლოგიები არის ერთ-ერთი მნიშვნელოვანი ფაქტორი, რომელიც ეხმარება ბიზნესს, უკეთ შესძლოს თანამედროვე გარემოში ოპერირება“, - განაცხადა კომპანია „ბილაინის“ გენერალურმა დირექტორმა გიორგი ტყეშელაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას