ქალებს აღარ ექნებათ უფლება ისწავლონ ან იმუშაონ ქაბულის უნივერსიტეტში- ამის შესახებ ინფორმციას CNN-ი  ქაბულის უნივერსიტეტის კანცლერის მოჰამედ აშრაფ გაირათმას განცხადებაზე დაყრდნობით ავრცელებს.

"სანამ რეალური  ისლამური გარემო არ არის უზრუნველყოფილი ყველასათვის, ქალებს არ ექნებათ უფლება მოვიდნენ უნივერსიტეტებში ან იმუშაონ.", - დაწერა მოჰამედ აშრაფ გაიარათმა „ტვიტერის“ ოფიციალურ ანგარიშზე.

მანვე განაცხადა, რომ ისინი მუშაობენ ქალ სტუდენტთა სწავლების გეგმაზე, მაგრამ არ დაუკონკრეტებია, როდის დასრულდება აღნიშნულ გეგმაზე მუშაობა.

"ქალი ლექტორების სიმცირის გამო, ჩვენ ვმუშაობთ გეგმაზე, რომ კაცმა ლექტორებმა შეძლონ და  ასწავლონ ქალ სტუდენტებს, აუდიტორიაში ფარდის მიღმა. ამგვარად შეიქმნება ისლამური გარემო სტუდენტებისთვის, რომ მიიღონ განათლება", - განაცხადა მან.

 „თალიბები“,  წინა მამართველობის დროს (1996 წლიდან 2001 ) არ იყო დაცული ქალების უფლებები, მეტიც, ისინი ითვლებოდნენ მეორეხარისოხვნად, იყვნენ იძლებითი ქორწინების მსხვერპლი.

მას შემდეგ, რაც მათ აგვისტოში დაიბრუნეს დედაქალაქი ქაბული, „თალიბანის“ ხელმძღვანელობამ განაცხადა, რომ ის ამჯერად მეტად დაიცავს ქალთა უფლებებს.

მაგრამ ეს დაპირებები არ განხორციელებულა. ახლადშექმნილ დროებითი მთავრობაში ქალების არ ყოფნა ამის ნათელი მაგალითია.

ქალებს ჯერჯერობით აქვთ უფლება გააგრძელონ საუნივერსიტეტო განათლება. მაგრამ „თალიბანის“ მთავრობის გადაწყევტილებით, ქალები და კაცები სხვადასხვა აუდიტორიებში ისწავლიან, მთ უნდა ატარონ ჰიჯაბი და დაიცვან შარიათის კანონები.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს