2021-07-02 11:59:33, 939 ნახვა
სამართალი
„თბილისი პრაიდის“ ღონისძიებაზე დაკავებული 23 პირიდან 20 გაათავისუფლეს
„თბილისი პრაიდის“ კვირეულის ღონისძიებაზე დაკავებული 23 პირიდან 20 ხელწერილის საფუძველზე გაათავისუფლეს.
აღნიშნულის შესახებ ინფორმაცია „ექსპრესნიუსს“ შინაგან საქმეთა სამინისტროში დაუდასტურეს.
მათივე ცნობით, სამი მათგანი ამ დროისთვის წინასწარი დაკავების იზოლატორშია მოათავსებული.
შეგახსენებთ, რომ გუშინ, 1-ელ ივლისს „თბილისი პრაიდის“ ორგანიზებით კინოჩვენება გაიმართა. ადგილზე „თბილისი პრაიდის“ მოწინააღმდეგეები, კერძოდ გურამ ფალავანდიშვილი, ალტ ინფოსა და ლევან ვასაძის წარმომადგენლები იმყოფებოდნენ. ისინი აცხადებდნენ, რომ სურდათ „თბილისი პრაიდის“ ღონისძიებების ჩაშლა.
„პრაიდის“ მოწინააღმდეგეებმა პოლიციის კორდონის გარღვევა რამდენჯერმე სცადეს, ისინი ქვებს და კვერცხებს ისროდნენ. ადგილზე სიტუაცია რამდენჯერმე დაიძაბა.
ავტორი: ექსპრესნიუსი,
epn.ge (@expressnews.ge)
