2021-03-01 14:27:55, 528 ნახვა
მსოფლიო
სომხეთში საპროტესტო აქციის მონაწილეები მთავრობის ადმინისტრაციაში შეიჭრნენ და აქცია გამართეს
ერევნის ცენტრში შეკრებილი აქციის მონაწილეები, რომლებიც სომხეთის პრემიერ-მინისტრის, ნიკოლ ფაშინიანის გადადგომას ითხოვენ, მთავრობის ადმინისტრაციის შენობაში შეიჭრნენ.
„სომხეთი ნიკოლის გარეშე“ - ამ ლოზუნგით დემონსტრანტებმა აქცია მთავრობის ადმინისტრაციის ფოიეში გამართეს.
მთავრობის ადმინისტრაციაში შეჭრილმა მომიტინგეებმა მოუწოდეს სამინისტროს ოფიციალურ პირებს, რომ არ მიიღო მონაწილეობა პრემიერ-მინისტრის, ნიკოლ ფაშინიანის მიერ ორგანიზებულ დემონსტრაციებზე.
დემონსტრანტების პროტესტი რამდენიმე წუთს გაგრძელდა და მომიტინგეებმა მშვიდობიანად დატოვეს შენობა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
