2021-02-16 09:24:40, 626 ნახვა
სამართალი
დავით გარეჯის საქმეზე მტკიცებულებების დასაშვებობის საკითხზე სასამართლო გადაწყვეტილებას დღეს გამოაცხადებს
თბილისის საქალაქო სასამართლოში დღეს საზღვრის სადელიმიტაციო-სადემარკაციო კომისიის ყოფილი წევრების, ივერი მელაშვილისა და ნატალია ილიჩოვას წინა სასამართლო სხდომა გაიმართება.
პროცესი 14:00 საათზეა ჩანიშნული.
დღევანდელ სხდომაზე იმსჯელებენ იმ მტკიცებულებათა დასაშვებობის საკითხზე, რომლებიც მხარეებმა სასამართლოს უკვე წარუდგინეს.
ამასთან, მტკიცებულებების დასაშვებობის საკითხზე მოსამართლე გადაწყვეტილებას დღეს გამოაცხადებს.
გარდა ამისა, დღეს მოსამართლე გამოაცხადებს გადაწყვეტილებას, გადავა თუ არა საქმე არსებითი განხილვის ეტაპზე.
ავტორი: ექსპრესნიუსი,
epn.ge (@expressnews.ge)
