შერიგებისა და სამოქალაქო თანასწორობის საკითხებში სახელმწიფო მინისტრმა სოხუმის დაცემის დღეს დაღუპულთა ხსოვნას პატივი მიაგო. მან გმირთა მემორიალი ყვავილებით შეამკო. 

„მინდა, პატივი მივაგო სოხუმის აღების და საერთოდ, აფხაზეთში საომარი მოქმედებების დროს დაღუპული მეომრების ხსოვნას. მე იქ ვიყავი და ვხედავდი, როგორ წირავდნენ თავს ახალგაზრდები და ეს ძალიან ტრაგიკული დღეა. ვიხსენებთ ჩვენს გმირებს და მსურს, კიდევ ერთხელ მივუსამძიმრო მათ ოჯახებს. საქართველოს ხელისუფლება ამ დღეს არასოდეს დაივიწყებს. ვიდრე ჩვენ ეს დღე გვახსოვს, გვაქვს განცდა და განწყობა, რომ დავბრუნდებით სოხუმში და აფხაზები და ქართველები ერთად იცხოვრებენ ღირსეულად. დღეს ასევე, არის ჯვართამაღლება და ეს დღესასწაული გვაძლევს იმედს, რომ ყველაფერი ისე დასრულდება, როგორც აფხაზი და ქართველი ხალხების ინტერესებს შეესაბამება“, - განაცხადა პაატა ზაქარეიშვილმა.

სახელმწიფო მინისტრმა ასევე დაათვალიერა ფოტოგამოფენა „გზები და ხიდები გვაერთიანებს“, რომელიც რეგიონული განვითარებისა და ინფრასტრუქტურის სამინისტროსა და ეროვნული არქივის ორგანიზებით პარლამეტნის ეროვნულ ბიბლიოთეკაში გაიმართა. წარმოდგენილ 50 ფოტოზე ასახულია აფხაზეთში მე-19-20 საუკუნის განმავლობაში ქართველი და აფხაზი სპეციალისტების მიერ ერთობლივად აშენებული გზები და ხიდები. 

„ამ ფოტოებზე ჩანს, რამდენი რამე შექმნეს ერთად ქართველებმა და აფხაზებმა. ეს კიდევ უფრო თვალნათლივ ჩანს დღევანდელი გადასახედიდან -  როცა დანარჩენ საქართველოში შენდება ხიდები, გზები, ქალაქები, მივდივართ ევროპისკენ, აფხაზეთი დანგრეულია და იქ პრაქტიკულად  მასშტაბური არაფერი შენდება. ეს გამოფენა არის მშვენიერი მაგალითია იმისა, თუ რამდენის რამის მიღწევა შეიძლება ერთიანი ძალისხმევით“, - აღნიშნა პაატა ზაქარეიშვილმა.  

ღონისძიებებში, ასევე, მონაწილეობდნენ რეგიონული განვითარებისა და ინფრასტრუქტურის მინისტრი ნოდარ ჯავახიშვილი და ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას