"დავაყენებთ შუამდგომლობას, რომ არ შეეფარდოს პატიმრობა", - ამის შესახებ მიკროსაფინანსო ორგანიზაციის ერთ-ერთ ფილიალზე თავდასხმაში ბრალდებული ლევან ზურაბაშვილის ადვოკატმა გიორგი ჭოჭუამ განაცხადა.

მისივე თქმით, საქმეში არსებულ ვიდეომასალებში არანაირი ძალადობის და დანაშაულებრივი ქმედებების არსებობა არ დასტურდება. 

ადვოკატის შეფასებით ამის საფუძველზე არსებებობს შესაძლებლობა, რომ სასამართლომ გამამართლებელი განაჩენი გამოიტანოს.

"დღეს ლევან ზურაბაშვილს მხოლოდ ბრალი წარედგინა,რაც შეეხება იარაღის ნაწილს , ამ ნაწილში მას ბრალი მოხსნილი აქვს, რადგან მას იარაღი არ ჰქონია. 

საგამოძიებო მოქმედებები ჩატარდა, აიღეს სუნის ნიმუში და ნერწყვის ნიმუში. აღკვეთის ღონისძიებაზე მსჯელობა ხვალ 11:00 საათიდან, 12:00 საათამდე გაიმართება. დავაყენებთ შუამდგომლობას, დაცვის მხარის მოთხოვნაა, რომ მას პატიმრობა არ შეეფარდოს. 

საქმის მასალებში წარმოდგენილია დაზარალებულის ჩვენებები, სადაც არანაირი ზეწოლა არ ფიგურირებს და შესაბამისად ვთვლით, რომ სასამართლო ჩვენს შუამდგომლობას დააკმაყოფილებს. 

გვაქვს ვიდეო მასალების ნაწილი, სადაც არანაირი დანაშაულებრივი ქმედებები არ ფიქსირდება და შესაბამისად ეს ნაწილიც ჩვენს სასარგებლოდ მეტყველებს", - აცხადებს ლევან ზურაბაშვილის ადვოკატი.

ცნობისთვის, საქართველოს პროკურატურამ  მძევლად ხელში ჩაგდების ფაქტზე ლევან ზურაბაშვილს ბრალი საქართველოს სსკ-ის 144-ე მუხლის მეორე ნაწილის ,,გ" ქვეპუნქტით წარუდგინა, რაც  ორი ან მეტი პირის მძევლად ხელში ჩაგდებას გულისხმობს.

ავტორი: ექსპრესნიუსი,

სოციალური ქსელები

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა

დროა: როდესაც ხოშტარია არ არის გადაყვანილი სამოქალაქო კლინიკაში, ეს სადამსჯელო ოპერაციაა

სააკაშვილი: ზურაბიშვილი საქართველოს ისტორიაში ყველაზე ცუდი საგარეო საქმეთა მინისტრი იყო