„თურული მხარე სარფის საბაჟოს რეორგანიზაციას იწყებს“,-ამის შესახებ  ფინანსთა მინისტრმა ნოდარ ხადურმა საქართველოში ვიზიტით მყოფ, თურქეთის დელეგაციის წევრებთან შეხვედრის შემდეგ განაცხადა.

ნოდარ ხადურმა თურქეთის საბაჟოსა და ვაჭრობის მინისტრ ნურეტინ ჩანილიკის საქართველოში ვიზიტისთვის  მადლობა გადაუხადა. 

„მადლობა მინდა გადავუხადო ბატონ მინისტრს, რომელმაც,  როგორც დელეგაციის ხელმძღვანელმა პირველი ოფიციალური ვიზიტი   სწორედ საქართველოში განახორციელა.  ჩვენ ძალიან საინტერესო და ხანგრძლივი საუბარი გვქონდა. უპირველეს ყოვლისა მინდა აღვნიშნო, რომ საუბარი დაიწყო სწორედ იმ საკითხით, რომელიც ჩვენთვის  ყველაზე მტკივნეულია, რაც საქართველოს ტერიტორიულ მთლიანობას ეხება. მინისტრმა ხაზი გაუსვა თურქეთის მთავრობის და ხელისუფლების დამოკიდებულებას ჩვენი ქვეყნის ტერიტორიული მთლიანობის პატივისცემისადმი და ასევე აღგვითქვა, რომ თურქეთის ხელისუფლება მხარს დაგვიჭერს და დაგვეხმარება იმაში, რომ თურქეთის მოქალაქეებმა ოკუპაციის შესახებ საქართველოს კანონმდებლობა არ დაარღვიონ და პატივი სცენ   ჩვენი ქვეყნის ტერიტორიულ მთლიანობას“,-განაცხადა ნოდარ ხადურმა.

მისივე თქმით,  შეხვედრაზე მხარეებმა, საგარეო ეკონომიკური ურთიერთობები, საბაჟოს  რეორგანიზაციის საკითხები და სხვა მნიშვნელოვანი თემები განიხილეს.

„ჩვენ ხაზი გავუსვით,  რომ მნიშვნელოვანია საბაჟოების განვითარება.  თურქეთი იწყებს სარფის საბაჟოს რეორგანიზაციას, თურქეთის მხრიდან  კარწახის საბაჟოს მშენებლობა  სრულდება, რადგან ქართული  მხრიდან უკვე დასრულებულია. მინდა აღვნიშნო, რომ ბატონმა ნურეტინ ჩანილიკიმ  ხასგასმით თქვა, რომ პრობლემები სარფის საბაჟოზე თურქული მხარის მხრიდან იყო გამოწვეული  და პირობა მოგვცა, რომ ძალიან მალე დაიწყება სარფის საბაჟოს რეორგანიზაცია.  მან  ასევე,  გადმოგვცა  გეგმაც და მე იმედი მაქვს, რომ  მომავალში ქართულ საბაჟოებზე რიგები აღარ იქნება“,-განაცხადა ნოდარ ხადურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას