საარჩევნო უბანზე ყველა ნორმა დაცულია და შეგვიძლია, თამამად მივიდეთ და გავაკეთოთ ჩვენი არჩევანი, - ამის შესახებ ჯანდაცვის მინისტრმა, ეკატერინე ტიკარაძემ მთავრობის დღევანდელი სხდომის დასრულების შემდეგ განაცხადა.

როგორც მინისტრმა აღნიშნა, მნიშვნელოვანია, რომ ყველა მოქალაქემ გადაწყვეტილება ყველა ნორმის დაცვით მიიღოს.

„დღეს პირველ რიგში მნიშვნელოვანია, რომ  ყველა ჩვენმა მოქალაქემ, ყველანაირი ნორმის დაცვით, მიიღოს გადაწყვეტილება და აუცილებლად მივიდეს არჩევნებზე. ვინაიდან, ეს არის ყველაზე მნიშვნელოვანი მოვლენა დღესდღეობით საქართველოსთვის. რაც შეეხება იმ ღონისძიებებს, რომელიც გატარებულია ჩვენი მოქალაქეების უსაფრთხოებისთვის, რამდენიმე თვეა, ცესკო-სთან ერთად, ჯანდაცვის სამინისტრო, ეპიდემიოლოგები და შრომითი უსაფრთხოების სამსახური დეტალურად მუშაობდნენ, თუ როგორი უნდა ყოფილიყო გარემო, სადაც ჩვენს მოქალაქეს საშუალება ექნებოდათ, გაეკეთებინათ თავისი თავისუფალი არჩევანი უსაფრთხო პირობებში. ყველა ნორმა არის დაცული და შეგვიძლია, თამამად მივიდეთ ნებისმიერი ასაკის მოქალაქე არჩევნებზე და გავაკეთოთ ჩვენი არჩევანი, რაც უზრუნველყოფს ქვეყნის სტაბილურობას და დემოკრატიულ განვითარებას“, -  განაცხადა ტიკარაძემ.

ავტორი: ექსპრესნიუსი,

სოციალური ქსელები

ქარელის და მასრნერულის საბავშვო ბაღებში ბავშვებს საქონლის ხორცის ნაცვლად ცხენის ხორცს აჭმევდნენ

ქართველმა და ესპანელმა სამართალდამცველებმა ქალაქ ვალენსიაში ქართული ორგანიზებული დანაშაულებრივი ჯგუფის წევრები დააკავეს

არქიმანდრიტი დოროთე - შიო მესამეს თავისი დარღვეული სწავლება სისრულეში მოჰყავს

ნარმანია: წინასწარი შეფასებით, II სისტემური ავარიის მიზეზი იმერეთის ხაზზე ავარია იყო