„მეჭიაური მხოლოდ თავისი თავიდან არ ლაპარაკობს, ის მაღალი თანამდებობის პირების ნათქვამს იმეორებს, როცა ამბობს, რომ მე ციხეში შემაბრუნებენ“, – ამის შესახებ  დედაქალაქის ყოფილმა მერმა, ბრალდებულმა გიგი უგულავამ „თბილსერვის ჯგუფისა“ და რიყის ტერიტორიის გასხვისების საქმეზე მიმდინარე სასამართლო პროცესზე განაცხადა. 
უგულავას თქმით, თავი „გამოცხადებული სიკვდილის ქრონიკაში“ გონია. 
„მე მაქვს ინფორმაცია, რომ ხელისუფლებაში ჰქონდათ შეხვედრა.  მეტი საქმე რომ არ აქვთ, ამაზე იკრიბებიან. ასეთ შეხვედრებზე  გაიგებდნენ თამაზ მეჭიაური და გია ვოლსკი, რომ შემაბრუნებენ. ამას ირაკლი ღარიბაშვილი იტყოდა. მეჭიაური მხოლოდ თავისი თავიდან არ ლაპარაკობს. ის მაღალი თანამდებობის პირებს ნათქვამს იმეორებს, როცა ამბობს, რომ მე ციხეში შემაბრუნებენ. სრულიად არაჯანსაღი ფონია. უკვე მეორე დღეა ეს ბატონები თქვენს ზურგსუკან საუბრობენ  (მოსამართლე მიმართავს). გამოცხადებული სიკვდილის ქრონიკაში მგონია თავი. სამი წელია ეს საქმე მიმდინარეობს და გაქცევა რომ მინდოდეს, პროკურორი მალხაზ კაპანაძე დამაკავებდა?! ისე, მალხაზ კაპანაძემ დამაკავა მაშინ. ღვთის წინაშეა დაფიცებული, რომ ეს პროცესი 10 ოქტომბრამდე უნდა მორჩეს თუ რა ხდება?!“,– განაცხადა უგულავამ. 
ამის შემდეგ მოსამართლემ ბრალდებულ გიგი უგულავას და პოლიტიკოსებს მოუწოდა, თავი შეიკავონ ისეთი განცხადებებისგან, რომლებიც არასწორ მოლოდინებს აჩენს.
ცნობისთვის, დაცვის მხარემ „თბილსერვისისა“ და რიყის გასხვისების საქმეზე დასკვნითი სიტყვის დარჩენილი ნაწილის მოსამზადებლად, ერთ კვირიანი ვადა ითხოვა. თუმცა, მოსამართლემ ეს შუამდგომლობა არ გაითვალისიწნა. ამ წუთებში სასამართლო გრძელდება და დაცვის მხარე დასკვნით სიტყვას ამბობს. 
რაც შეეხება პროცედურებს, დაცვის მხარის მიერ დასკვნითი სიტყვის დასრულების შემდეგ, როგორც დაცვის, ასევე ბრალდების მხარეს რეპლიკის დრო ექნებათ. რეპლიკის დასრულების შემდეგ, ბრალდებული საბოლოო სიტყვას იტყვის. ამის შემდეგ კი, პროცედურულად მოსამართლე სათათბიროდ გადის და შემაჯამებელ გადაწყვეტილებას იღებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა