საქართველო პირველად ფერო შენადნობი პროდუქციის მწარმოებელთა და მანგანუმის მომპოვებელთა 171-ე საერთაშორისო ბიზნეს ფორუმს მასპინძლობს. ღონისძიებაში მსოფლიო ბაზრის ასამდე ლიდერი კომპანიის წარმომადგენელი მონაწილეობს. ყოველწლიური კონფერენციის მიზანი ამ სფეროში მიმდინარე მოვლენების, არსებული გამოწვევებისა და შესაძლებლობების ურთიერთგაზიარებაა. ბიზნეს ფორუმი ქართულ კომპანიებს მეტალურგიის მსოფლიო რუქაზე პოზიციების გაძლიერების საშუალებას მისცემს. ,,ფეროშენადნობი პროდუქციისა და მანგანუმის წარმოება საქართველოს ეკონომიკის ლიდერი დარგია. მისი წილი ექსპორტში 700 მლნ ლარზე მეტია და დაახლოებით 15 ათასი ადამიანია დასაქმებული. მსგავსი საერთაშორისო ბიზნეს ფორუმების საქართველოში ჩატარება ამ დარგის განვითარებას, წარმოების მოცულობის გაზრდასა და ახალი სამუშაო ადგილების შექმნას ხელს შეუწყობს”, - განაცხადა ფერო შენადნობი პროდუქციის მწარმოებელთა და მანგანუმის მომპოვებელთა გაერთიანების წარმომადგენლმა სულხან ხვედელიძემ. ,,ეს-ტი-ემ” ჯგუფის გენერალური დირექტორ იგორ იკოვენკოს მიაჩნია, რომ ქართულ ფეროშენადნობებს მსოფლიო მეტალურგიის ბაზარზე დიდი პერსპექტივა აქვს. მეტალურგ მწარმოებელთა ინტერესი ქართული წარმოების მიმართ კი დღეს აშკარაა. დარგის განვითარების ხელშეწყობის მიზნით ქართულ ბაზარზე არსებული კომპანიები უახლოეს მომავალში ,,ფეროშენადნობი პროდუქციის მწარმოებელთა და მანგანუმის მომპოვებელთა ასოციაციის” დაფუძნებას გეგმავენ. კონფერენციის ფარგლებში საერთაშორისო ბიზნეს გარიგებებიც შედგება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის სასამართლომ კენედების ოჯახის წევრს დაუსწრებლად პატიმრობა მიუსაჯა

კოლუმბიის პრეზიდენტი - მიწისძვრის შემდეგ 265 ადამიანი დაიღუპა და 3 494 დაშავდა, უგზო-უკვლოდ დაკარგულად ითვლება 496

ნარკოდანაშაულის ბრალდებით 135 პირი დააკავეს, მათ შორის ნარკორეალიზაციაში სხვადასხვა ფორმით ჩართული 55 პირია

ივანიშვილის წარმომადგენელი იონათამიშვილი აფხაზეთში ბენზინის მიწოდებაზე კითხვების გამო ოპოზიციის აკრძალვას ითხოვს