საერთაშორისო სავალუტო ფონდის (სსფ) პროგნოზით წელს საქართველოს ეკონომიკა 5 პროცენტით შემცირდება, - ამის შესახებ ექსპერტი ეკონომიკის საკითხებში, ნიკოლ მჭედლიშვილი სოციალურ ქსელში წერს.

მისივე თქმით, მიუხედავად ამისა დადებითად არის შეფასებული მთავრობის მიერ გატარებული ანტიკრიზისული ზომები.

"საერთაშორისო სავალუტო ფონდის (სსფ) პროგნოზით წელს საქართველოს ეკონომიკა 5 პროცენტით შემცირდება, თუმცა დადებითად არის შეფასებული მთავრობის მიერ გატარებული ანტიკრიზისული ზომები.

სსფ-ს მისია ამჯერად ვირტუალურად ჩატარდა და მთლიანად დადებითად შეაფასა სხვადასხვა უწყებების მიერ გატარებული ღონისძიებები.

მისიის შეფასებით, წლის მეორე ნახევრიდან ადგილობრივმა მოთხოვნამ ზრდა დაიწყო, რაც არის იმის გარანტია, რომ ეპიდემიოლოგიური მდგომარეობის გაუმჯობესებასთან ერთად, ეკონომიკა შეძლებს ჩვეული ტემპებით მუშაობის გაგრძელებას;

ფონდის მისია აღნიშნავს, პანდემიის წარმატებულ კონტროლს, როგორც ჯანდაცვის სისტემის ნაწილში, ასევე ეკონომიკური პოლიტიკის პასუხების ეფექტურობის კუთხით. მისიის განცხადებით გადასახადების შემსუბუქება და მოწყვლადი სოციალური ფენების დახმარება საკმაოდ ეფექტური აღმოჩნდა პანდემიის სოციალური და ეკონომიკური გავლენის შეკავების თვალსაზრისით;

მისია მიესალმება, რომ პანდემიის მიუხედავად, ქვეყნის მიერ მიღწეულ წარმატებას სტრუქტურული რეფორმების კუთხით - მათ შორის, პენსიების ინდექსირების, გადახდისუუნარობის კანონის მიღებას. ასევე, დაგეგმილ და მიმდინარე რეფორმებს გადასახადების ადმინისტრირების, ფისკალური რისკების მონიტორინგისა და სახელმწიფო საწარმოების ეფექტიანი მართვის მიმართულებით. მისიის შეფასებით, სტრუქტურული რეფორმები უმნიშვნელოვანესია ზრდის პოტენციალის შენარჩუნებისთვი", - წერს ნიკოლოზ მჭედლიშვილი.

ავტორი: NS (სტატია დაფინანსებულია),

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს