საქართველოს ინოვაციებისა და ტექნოლოგიების სააგენტომ, ბიზნეს აქსელერატორ TURN8-თან ერთად, მობილური და ვებ აპლიკაციების ინოვაციურ ლაბორატორია ჯეოლაბში გამართა კონკურსი ე.წ. “ფიჩინგში”, რომლის საფუძველზეც, აქსელერატორის CEO-მ, კამალ ჰასანმა და სპეციალურმა ჟიურიმ შეარჩია გამარჯვებული გუნდი ბიზნეს აქსელერატორის მე-6 რაუნდისათვის.

TURN8 ეს არის ბიზნეს აქსელერატორი დუბაიში, რომელიც მსოფლიოს მასშტაბით არჩევს სტარტაპებს, რომლებიც 4 თვით განთავსდებიან TURN8-ის აქსელერატორში, მოამზადებენ საკუთარი ინოვაციური პროდუქტის ბიზნეს მოდელს და წარადგენს ინვესტორების წინაშე.

ინვესტორის წინაშე თბილისში სულ 8 გუნდი წარსდგა. მათგან შეირჩა ერთი საუკეთესო, რომელიც განაგრძობს ინვესტორებთან მოლაპარაკებას. საბოლოო შეთანხმების შემდეგ გუნდი მიიღებს ინვესტიციას $30,000 დოლარის ოდენობით და გაივლის ბიზნესის აქსელერაციის პროგრამას დუბაიში, რაც მათ პროდუქტის განვითარებისა და საერთაშორისო ბაზრებზე გასვლის საშუალებას მისცემს.

გამარჯვება მოიპოვა სტარტაპმა სახელად "Pandora's Box". გუნდმა შექმნა მოწყობილობა, რომელიც მრბოლელებს რბოლის დროს, პირდაპირ რეჟიმში, სხვადასხვა ციფრული მონაცემების მოგროვებაში ეხმარება. გუნდის პროდუქტი მონაცემებს ანალიზს და ვიზუალიზაციას უკეთებს, რითაც მრბოლელს უკეთ შეუძლია თვალი ადევნოს როგორც შესრულებული რბოლის დროს დაშვებულ შეცდომებს, ისე სხვადასხვა წარმატებულ მაჩვენებლებს, მათ შორის: რბოლის ტრაექტორია, სიჩქარე კონკრეტულ მომენტში, მოხვევის კუთხეები, პრობლემური წერტილები და ა.შ. მონაცემებზე წვდომა შესაძლებელია დისტანციურადაც. მოწყობილობის გამოყენება კი არის მარტივი, ამისათვის მხოლოდ მისი მანქანაზე ან მოტოციკლზე დაყენება და სმარტფონ აპლიკაციის გააქტიურებაა საჭირო. სტარტაპს უკვე შექმნილი აქვს მუშა პროტოტიპი. 

TURN8-ის მე-6 რაუნდისთვის მსოფლიოდან სულ 10 გუნდი შეირჩევა. აქსელერატორის პროგრამა სტარტს აიღებს 2016 წლის თებერვლიდან და მის დასასრულს გუნდები დამატებითი ინვესტიციის მოძიებისათვის საერთაშორისო კომპანიებისა და ფონდების აუდიტორიასთან პრეზენტაციით წარსდგებიან.

სააგენტო უკვე დიდი ხანია თანამშრომლობს TURN8-თან. აღნიშნული საინვესტიციო ფონდი უკვე რამდენჯერმა დაინტერესდა ქართული ინოვაციებით და ადგილობრივი სტარტაპ ეკოსისტემით. TURN8-ის მიერ სულ ქართულ გუნდებში უკვე განთავსდა $150,000-ის ოდენობის ინვესტიცია. აქსელერაციის პროგრამა კი 5-მა სტარტაპმა გაიარა, მათ შორის: Deehubs.com, NextMart, Plex,InGlove და s-Mart. Pandora's Box რიგით მეექვსე სტარტაპი იქნება, რომელმაც TURN8-ის ყურადღება მიიბყრო.

გუნდების შესარჩევ შეხვედრას ესწრებოდა ინოვაციების და ტექნოლოგიების სააგენტოს თავმჯდომარე ირაკლი ქაშიბაძე, რომელმაც კიდევ ერთხელ ხაზი გაუსვა პირდაპირი ინვესტიციების მოზიდვის მნიშვნელობას ქვეყნის ეკონომიკის განვითარებისთვის და აღნიშნა რომ სააგენტოს მიზანია განხორციელდეს ინოვაციური და ტექნოლოგიური მეწარმეობის ხელშეწყობა, მაღალი პოტენციალის მქონე ტექნოლოგიური "სტარტაპების" აღმოჩენა და მათთვის გლობალურ ბაზრებზე შესვლის ხელშეწყობა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის სასამართლომ კენედების ოჯახის წევრს დაუსწრებლად პატიმრობა მიუსაჯა

კოლუმბიის პრეზიდენტი - მიწისძვრის შემდეგ 265 ადამიანი დაიღუპა და 3 494 დაშავდა, უგზო-უკვლოდ დაკარგულად ითვლება 496

ნარკოდანაშაულის ბრალდებით 135 პირი დააკავეს, მათ შორის ნარკორეალიზაციაში სხვადასხვა ფორმით ჩართული 55 პირია

ივანიშვილის წარმომადგენელი იონათამიშვილი აფხაზეთში ბენზინის მიწოდებაზე კითხვების გამო ოპოზიციის აკრძალვას ითხოვს