2020-09-10 11:20:17, 1162 ნახვა
ომი უკრაინაში
ეზუგბაია - ოქტომბრის ბოლოდან, როდესაც სეზონური ინფექციებისა და კოვიდ19-ის თანხვედრა მოხდება, შესაძლოა მეორე ტალღაზე ვილაპარაკოთ
თბილისის ინფექციური საავადმყოფოს სამედიცინო დირექტორმა მარინა ეზუგბაიამ განაცხადა, რომ ოქტომბრის ბოლოდან, როდესაც სეზონური ინფექციებისა და კოვიდ19-ის თანხვედრა მოხდება, შესაძლოა მეორე ტალღაზე ვილაპარაკოთ
„ჩვენ არ ვლაპარაკობთ, რომ ეს მეორე ტალღაა. ოქტომბრის ბოლოს, ნოემბრის შუა რიცხვებიდან, როდესაც მოხდება თანხვედრა ამ სეზონური ინფექციების კოვიდ19-თან, შესაძლოა მეორე ტალღაზე ვილაპარაკოთ. დღევანდელი მდგომარეობა უკავშირდება შიდა ტურიზმს“, - განაცხადა ეზუგბაიამ.
შეგახსენებთ, რომ საქართველოში დღეს კორონავირუსის რეკორდული მაჩვენებელი, 57 ახალი შემთხვევა გამოვლინდა. რაც შეეხება გამოჯანმრთელებულთა რაოდენობას ის 8-ით გაიზარდა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
