2020-08-25 15:33:10, 5994 ნახვა
მსოფლიო
კრემლის განცხადებით, რუსეთი ნავალნის საქმის გამოძიებას არ აპირებს
კრემლის განცხადებით, რუსეთი ოპოზიციონერის მოწამლის საქმის გამოძიებას ამ ეტაპზე არ აპირებს.
პუტინის სპიკერმა, დმიტრი პესკოვმა, განაცხადა, რომ გერმანელ ექიმებს საბოლოო დასკვნა არ დაუდევთ და სიტყვა მოწამვლის გამოყენება „დაჩქარებულია“.
პესკოვმა ასევე თქვა, რომ იმ შემთხვევაში, თუ მიზეზად მოწამვლა ნამდვილად დადგინდება, მაშინ გამოძიება დაიწყება.
რუსი ოპოზიციონერი, ალექსეი ნავალნი ბერლინში, კლინიკა Charité-ში მკურნალობს. გერმანელი ექიმების თქმით, ნავალნი მოწამლულია ქოლინესტერაზის ინჰიბიტორის ჯგუფის ნივთიერებით.
ავტორი: ექსპრესნიუსი,
epn.ge (@expressnews.ge)
