თუ ვინმეს ჩემი ლიკვიდაცია უნდა ეს არის რუსეთი და რამზან კადიროვი, რაც ნიშნავს პუტინს, - ამის შესახებ "მთავარი არხის" ჟურნალისტმა, გიორგი გაბუნიამ საქალაქო სასამართლოს დატოვების შემდეგ, ჟურნალისტებს განუცხადა.

როგორც გაბუნიამ აღნიშნა, მას ჰყავს ორი ინფორმაციის წყარო, ეს არის ნიკა გვარამია და მისი პირადი დაცვა, რომლებისგანაც გაიგო, რომ მას დაახლოებით 2 თვის განმავლობაში უთვალთვალებდნენ.

„მიმართულება გამოიკვეთა, ძირითადად მე გეტყვთ, აქცენტი იყო, საიდან მქვს მე ინფორმაცია, რომლეიც მაქვს რომელიც მწირია საკმაოდ - მე მყავდა ინფორმაციის ორი წყარო, ეს არის ნიკა გვარამია, რომელმაც გამაფრთხილა, რომ შესაძლო იყო ადგილი ჰქონოდა ჩემი ლიკვიდაციის მცდელობას და ამაზე იყო აქცენტი კითხვების დროს. იყო აქცენტი იმაზე, ხომ არ მიფიქრია,სამართალამდაცვი ორგანოებისთვის და სუსითვის მიმეწოდებინა ინფორმაცია, რაც მომაწოდა გვარამიამ, მაგრამ მე განვუმარტე, რომ არც მქონია ამის მცდელობა, იმიტომ რომ, მე ვენდობი ნიკა გვარამიას, რომელიც მაწვდის ასეთ ინფორმაციას და როდესაც მეუბნება, რომ წყარო რეალურად იყო სუს-ი, აზრს კარგავს სუს-თან წასვლა და ამაზე საუბარი.

და მეორე წყარო, ეს არის ჩემი დაცვა, რომელმაც შეამჩნია, რომ მე მითვლთვალებდნენ, დიდი ალბათონით ჩემს დაცვასაც დაიბარებენ გამოკითხვაზე“, - განაცხადა გაბუნიამ.

მისივე თქმით, სახელმწიფომ მას შესთავაზა ნებისმიერი სახის დაცვა, რაზეც ის ჯერ არ დათანხმებულა

„ვიდრე სხდომაზე შევიდოდი, შემომთავაზეს ნებისმიერი სახის დაცვა, რაზეც ჯერ რ დავთანხმებივარ, რადგან უნდა მოვილაპარაკო ადვოკატთან და უნდა შევაფასოთ საფრთხეები რამდენად არსებობს“, - აღნიშნა გიორგი გაბუნიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ბოკუჩავა: რა თქმა უნდა, ვრჩები ნაციონალურ მოძრაობაში, ვიბრძოლებ ბოლომდე!

გვარამიას თქმით, მოსამართლემ არ დააკმაყოფილა ხოშტარიას მდგომარეობის შესწავლის შუამდგომლობა

ზელენსკი: თუ უკრაინა იწვის, თქვენი მოსკოვიც დაიწვება - დადგა დრო, დასრულდეს ეს აგრესია

ხოშტარია: ჯერ მკურნალ ექიმთან არ ყოფილა შეხვედრა, მაგრამ დამპირდნენ, რომ იქნება