მოზეს ნტანდა ერთი თვის წინ, მოხუცთა თავშესაფარში, მარტოობაში, 72 წლის ასაკში, კორონავირუსისგან გარდაიცვალა.

შვედეთში, კორონავირუსისგან გარდაცვლილი დაახლოებით 4 ათასი ადამიანისგან, ძირითადად ყველა გარდაცვლილი - მოხუცია.

იულიანა იიხემი, მოზეს ნტანდას დისშვილი, სვამს კითხვას, რატომ არ განათავსეს მისი ნათესავი კლინიკაში:

„როდესაც ვიკითხე, მე მიპასუხეს, რომ ასეთია პროტოკოლი მოხუცი ადამიანების მოვლისა. კოვიდინფიცირებულ მოხუცებს ამბულატორიულად უვლიან, იმის ნაცვლად, რომ მოათავსონ სტაციონარში. საქმე იმაშია, რომ ნტანდა საჭიროებდა ზუსტადაც, რომ კლინიკაში ყოფნას და იქ მოვლასა და მკურნალობას“, - აცხადებს იიხემი.

შვედეთში კორონავირუსისგან გარდაიცვალა 3 800-ზე მეტი ადამიანი.

შვედეთის მთავარი ეპიდემიოლოგის, ანდერს ტეგნელის განმარტებით, „ჩვენი მიდგომა მოიცავს ბევრ ასპექტს. მოხუცების დაცვა, განსაკუთრებით იმათი, რომლებიც იმყოფებიან მოხუცთა თავშესაფარში - იყო ერთ-ერთი ყველაზე მნიშვნელოვანი ასპექტი. სამწუხაროდ, ჩვენი პრინციპი არც თუ ისე ეფექტური აღმოჩნდა. ჩვენ ვიცით ამის შესახებ. ახლა ჩვენ ვცდილობთ შევიტანოთ შესწორებები, რათა დავეხმაროთ მათ, ვინც უვლიან მოხუცთა თავშესაფარში მყოფ ადამიანებს“.

შვედეთის საგარეო საქმეთა მინისტრი ანა ლინდე აცხადებს, რომ „გარკვეულ შედეგებს ჩვენ ასე თუ ისე მივაღწიეთ, ჩვენ შევძელით პლატოზე გასვლა, ასევე შევძელით ჯანდაცვის სისტემის დაცვა. თუმცა, რასაკვირველია თითოეული გარდაცვლილი - ტრაგედიაა. ტრაგედიაა მისი ოჯახის წევრებისთვის, მისი ნათესავებისთვის. ჩვენ ვალდებულები ვართ გავიაზროთ დეტალებსსი, თუ რატომ და როგორ ჩამოყალიბდა ასეთი მძიმე სიტუაცია მოხუცთა თავშესაფრებში, სადაც იყო ინფიცირებისა და გარდაცვალების ბევრი შემთხვევა“.

თუმცა იულია იიხემი, ამ ყველაფერს არ ეთანხმება.

ის აცხადებს, რომ  „ისინი, სახელმწიფო მოხელეები კიდევ ფიქრობენ, რომ მათი არჩევანი აღმოჩნდა სწორი, რომ სქემამ იმუშავა, თუმცა, რატომ გარდაიცვალა მაშინ ამდენი ადამიანი?“, - აცხადებს იიხემი.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ივანიშვილის წარმომადგენელი იონათამიშვილი აფხაზეთში ბენზინის მიწოდებაზე კითხვების გამო ოპოზიციის აკრძალვას ითხოვს

სარჯველაძემ გომის მთაზე ავტოსაგზაო შემთხვევის შედეგად დაზარალებულები მოინახულა

გომის მთაზე მომხდარი ავარიის შედეგად დაშავებული 11 პაციენტიდან 6 ბავშვია, ისინი ბათუმის რესპუბლიკურ საავადმყოფოში არიან

პუტინის რეჟიმმა კენედების დინასტიის წევრი, მოქმედი ჯანდაცვის მინისტრის შვილი, ძებნაში გამოაცხადეს და პატიმრობა შეუფარდეს