სესხისა და ლიზინგის სუბსიდირების კომპონენტების თანადაფინანსება ერთი წლით გახანგრძლივდება, - ამის შესახებ ეკონომიკისა და მდგრადი განვითარების მინისტრმა, ნათია თურნავამ ანტიკრიზისული გეგმის პრეზენტაციისას განაცხადა.

მისივე თქმით, სესხის პროცენტის თითქმის სრული ოდენობა, თეთრთმეტნახევარ პროცენტს მთავრობა დაასუბსიდირებს.

„თუ აქამდე ჩვენ ვახდენდით თითოეული ბიზნესის სესხის პროცენტის სუფსიდირებას 2 წლის განმავლობაში, ჩვენ ვაგრძელებთ ამ პერიოდს და ეს იქნება 36 თვე, ანუ 3 წლის განმავლობაში ამ დახმარების მიმღები ბიზნესი შეძლებს, რომ მინიმალური პროცენტით ჰქონდეს საბანკო სესხი, რადგან ჩვენ სახელმწიფო, დავასუფსიდირებთ დანარჩენს.

თანადაფინანსების პროცენტი იზრდება, 2019 წელს, როდესაც ჩვენი ეკონომიკა ყვაოდა, ჩვენ მხოლოდ 7%-ს ვუსუფსიდირებდით ბიზნესებს, როდესაც იღებდნენ ისინი საბანკო სესხსს, დღეს, როდესაც ბიზნესს გაუჭირდა, ბანკებსაც გაუჭირდება სესხების მარტივად გაცემა და ჩვენ ვართ მზად, რომ სესხის პროცენტის თითქმის სრული ოდენობა, 11,5% დავასუფსიდიროთ სახელმწიფო სახსრებით.

აქამდე მინიმალური ზღვარი იყო 150 000 ლარი და ჩვენ ვზრდით ამ მოცვას და 50 000 ლარი სესხიც კი არის ჩვენი დახმარების საგანი“ , - განაცხადა ნათია თურნავამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

Tv pirveli: ირაკლი ღარიბაშვილთან ციხეში ადვოკატის სახელით მისი ცოლის და შევიდა

ბიზნესმენ ირაკლი რუხაძის რუსთავის ფოლადმა არმატურის ბიზნესი გაყიდა

პოლიციამ ბათუმში ორი პირის მიმართ ჩადენილ ჯანმრთელობის მსუბუქად დაზიანების ფაქტზე 2 პირი დააკავა

საქართველოს ბანკის მხარდაჭერით ქუთაისში მეწარმე ქალთა განვითარების პროგრამა გაიმართა