თსსუს პირველი საუნივერსიტეტო კლინიკის დირექტორის, ლევან რატიანის განცხადებით, კლინიკაში კორონავირუსით ინფიცირებული 91 პაციენტი მკურნალობს, საიდანაც სამის მდგომარეობა კრიტიკულია.

მისი თქმით, კომპიუტერული ტომოგრაფიით 47 პაციენტთან მწვავე პნევმონია დასტურდება.

„ამ ეტაპზე კლინიკაში გვყავს 118 პაციენტი, აქედან კოვიდ ინფექციის არის 91 შემთხვევა. 9 პაციენტი გვყავს რეანიმაციულ განყოფილებაში, საიდანაც სამის მდგომარეობა არის მძიმე ანუ კრიტიკული, ზემო დინამიკის რღვევით. დანარჩენი პაციენტების მდგომარეობა არის სტაბილურად მძიმე. ვინარჩუნებთ ვიტალურ პარამეტრებს. რაც შეეხება დანარჩენი პაციენტების მდგომარეობას, ისინი გადანაწილებული არიან სიმძიმის კატეგორიის მიხედვით რამდენიმე სართულზე. აქედან 47 პაციენტთან დადასტურებულია კომპიუტერული ტომოგრაფიით მწვავე პნევმონია. მკურნალობა არის სიმპტომური სახელმწიფო გაიდლაინის მიხედვით“, - განაცხადა ლევან რატიანმა.

ავტორი: ექსპრესნიუსი,

სოციალური ქსელები

კობა ფარტენაძის მიმართ ძალადობისა და დანით დაჭრის მუქარის ბრალდებით დაკავებულები გირაოს სანაცვლოდ გათავისუფლდნენ

22-წლიანი პაუზის შემდეგ ქართული საკლუბო ფეხბურთი ევროპულ ასპარეზს დაუბრუნდა

გოცირიძე - „ოცნების“ მთავრობის ნებართვით აფხაზეთში ქართული კომპანიის მიერ საწვავის შეტანა ნიშნავს რუსეთის სამხედრო ბაზების მომარაგებას

თეირანი აშშ-სთან ცეცხლის შეწყვეტის შეთანხმების გახანგრძლივების შესახებ ცნობებს უარყოფს