თვალების სიწითლე, შესაძლოა ადამიანის ორგანიზმში კორონავირუსის არსებობის დამადასტურებელი ნიშანი გახდეს - ამის შესახებ, „იელის“ უნივერსიტეტის სპეციალისტმა ვინსენტ დიაზმა განაცხადა, ამის შესახებ ინფორმაციას „Miror” ავრცელებს.

მისი თქმით ახალი სიმპტომი ძალიან იშვიათია და მისი გამოვლენა პროცენტულად ძალიან დაბალია, თუმცა გასათვალისწინებელი. ექიმმა განმარტა, რომ თვალების სიწითლესთან ერთად პაციენტს ასევე სხვა სიმპტომები, მაგალითად ცხელებაც უნდა ახასიათებდეს კორონავირუსზე ეჭვის მისატანად.

დიასის განმარტებით, თვალების სიწითლეს შესაძლოა უამრავი სხვა მიზეზი ჰქონდეს, მაგალითად კონიუქტივიტი ან ალერგია.

16 აპრილს, იტალიელი და ესპანელი ექიმები კიდევ ერთ ახალ სიმპტომზე საუბრობენ. ისინი გვაუწყებენ, რომ ახალი კორონავირუსის სიმპტომად შესაძლოა ფეხებზე გამონაყარიც ჩაითვალოს. ამ დასკვნამდე, ექიმები კორონავირუსით დაავადებულ სხვადასხვა პაციენტებზე დაკვირვების შედეგად მივიდნენ. ამ ეტაპზე ყოველ მეხუთე ინფიცირებულ იტალიელ პაციენტს, რომლებიც საავადმყოფოში მკურნალობენ, ფეხზე გამონაყარი აღენიშნებათ.

გამონაყართან ერთად, კანზე ვენების ბადისებრი ფორმაც კორონავირუსის ახალ სიმპტომად მიიჩნევა - ამის შესახებ, სეჩენოვსკის ინსტიტუტის პულმონოლოგიის კათედრის გამგემ, პროფესორმა სერგეი ავდეევმა ისაუბრა.

სპეციალისტის განცხადებით, დაავადების დროს ყველაზე ხშირად გამონაყარი ახალგაზრდა პაციენტებში გვხვდება.

მან ასევე განაცხადა, რომ გამონაყარი, კანზე ფართო სიწითლით ხასიათდება.

„ხოგიერთი ვირუსული დაავადების დროს, გამონაყარი სახასიათო სიმფტომად გვევლინება, მაგალითად წითელას ან ყვავილის დროს. კოვიდ-19-ის შემთხვევაშიც გამონაყარი დამახასაითებელ სიმპტომად შესაძლოა მოვისაზროთ“, - განმარტა პროფესორმა.

პროფესორმა ასევე აღნიშნა, რომ გამონაყარი არ არის გარანტია იმისა, რომ ადამიანის ორგანიზმში ვირუსი არსეებობს.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

გოცირიძე - „ოცნების“ მთავრობის ნებართვით აფხაზეთში ქართული კომპანიის მიერ საწვავის შეტანა ნიშნავს რუსეთის სამხედრო ბაზების მომარაგებას

თეირანი აშშ-სთან ცეცხლის შეწყვეტის შეთანხმების გახანგრძლივების შესახებ ცნობებს უარყოფს

რეკორდული ბაზრის წილი და პროდუქტის დივერსიფიკაცია - „თეგეტა ქონსთრაქშენ ექვიფმენთმა“ JCB-ს ორი ჯილდო მიიღო

ივანიშვილის პრემიერი მზადაა ოკუპირებულ აფხაზეთში ბენზინი შეიტანოს და რუსებს ამით დაეხმაროს