ეროვნული ბანკის პრეზიდენტის გიორგი ქადაგიძის განცხადებით, ლარის კურსის მერყეობაზე ყველაზე დიდ გავლენას საზოგადოებაში არსებული უარყოფითი მოლოდინები ახდენს.
ამის შესახებ ქადაგიძემ ბოლო რამდენიმე კვირის განმავლობაში ეროვნული ვალუტის მერყეობის საკითხის კომენტირებისას განაცხადა. 
მისივე თქმით, კურსის განსაკუთრებული მერყეობა მოსალოდენლი არ არის. 
„უკვე არსებული შოკი გაუფასურებაში ასახულია ანუ  ის მილიარდიანი დანაკლისი შემოდინებაში, რომელიც ჩვენ მივიღეთ უკვე არის  ასახული მოხმარების შემცირებაში. შესაბამისად, იმპორტის შემცირებაში. ივლისის თვეში იმპორტი ერთჯერადი ფაქტორების გამოკლებით შემცირდა დაახლოებით 21 %, რაც იმას ნიშნავს, რომ სხვა თანაბარ პირობებში ჩვენ კურსის განსაკუთრებულ მერყეობას არ ველოდებით. მიუხედავად ამისა, ბოლო დღეების მერყეობასთან დაკავშირებით მინდა ავღნიშნო ძირითადი მიზეზები. რა თქმა უნდა ივლისის თვე საკმაოდ სუსტი იყო გზავნილების თვალსაზრისით და ეს ინფორმაცია გამოქვეყნდება რამდენიმე დღეში. ყველაზე მნიშვნელოვანი რაც ახდენს გავლენას ეს არის  საზოგადოებაში არსებული უარყოფითი მოლოდინები. კონკრეტულად ბაზრის მონაწილეებს აქვს ძალიან გაზრდილი მოლოდინი შემოგდომაზე კურსის გაუფასურებასთან დაკავშირებით. ბაზრის მონაწილეების  შესაბამისად კომპანიების და სხვა აქტორების მიერ ხდება დოლარის მასის დაგროვება, რაც იწვევს დამატებით ზეწოლას კურსზე. სხვა თანაბარ პირობებში ეს მეორეს მხრივ ნიშნავს იმას, რომ შემოდგემაზე ზეწოლა უნდა იყოს ნაკლები. ვინაიდან, კომპანიები უკვე იწყებენ უცხოური ვალუტის, დოლარის დაგროვებას“,-განახადა გიორგი ქადაგიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ დაასახელა რუსული სამხედრო გემები, რომლებსაც ნოვოროსიისკში დაარტყეს

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება