პიკურ სტადიას შეიძლება ველოდოთ აპრილის მეორე ნახევრიდან, იმის მიხედვით თუ რამდენად ეფექტური იქნება მენეჯმენტი, როგორ სახლემწიფოს მხრიდან, ასევე ჩვენი მოქალაქეების მხრიდან, - ამის შესახებ ჯანდაცვის მინისტრმა, ეკატერინე ტიკარაძემ განაცხადა.

ჯანდაცვის მინისტრის ინფორმაციით, 10 პაციენტიდან ძირითადი კონტაქტები დადგენილია, მათი უმეტესობა არის ან ცნობილი კლასტერიდან, ან საკარანტინო ზონებიდან.

„ის მოლოდინი, რომ ამ ეტაპისთვის დაახლოებით 10 აპრილამდე სიტუაცია იქნებოდა მზარდი, მაგრამ კონტროლირებადი, ჩვენ მივყვებით დადებულ გეგმას და სიტუაცია კონტროლირებადია, ვინაიდან 10 პაციენტიდან ძირითადი კონტაქტები არის დადგენილი და მათი უმეტესობა არის ან ცნობილი კლასტერებიდან, ან საკარანტინო ზონებიდან, რომლებშიც არიან ჩვენი პაციენტები. ეს გვაძლევს საფუძველს, რომ არ ჩავთვალოთ, რომ ეს არის განგაშის ზარების შემოკვრის დრო ქვეყანაში, მაგრამ ეს არ გვაძლევს საფუძველს, რომ არ გავამკაცროთ ღონისძიებები და არ დავსახოთ შემდგომი სტრატეგია გაზრდილი შემთხვევების მართვისთვის. აქედან გამომდინარე, ჩვენ ვთვლით, რომ პიკურ სტადიას შეიძლება ველოდოთ აპრილის მეორე ნახევრიდან, იმის მიხედვით თუ რამდენად ეფექტური იქნება მენეჯმენტი, როგორ სახლემწიფოს მხრიდან, ასევე ჩვენი მოქალაქეების მხრიდან აღსრულების ნაწილი. იქნება დამოკიდებული, თუ რა რაოდენობა პაციენტები გვეყოლება აპრილის ბოლოს და მაისში და რამდენ ხანს გაგრძელდება პიკური პერიოდი“, - განაცხადა ჯანდაცვის მინისტრმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება